Повик за акција (маркетинг)
Повик за акција (Call To Action) е маркетинг поим за секој уред кој е дизајниран да поттикне директен одговор или да поттикне инстантна продажба. Повикот за акција најчесто се однесува на употреба на зборови или фрази кои можат да бидат вметнати во скрипти за продажба, рекламни пораки или мрежни места, кои ја принудуваат публиката да дејствува на специфичен начин.
Дефиниција[уреди | уреди извор]
Во маркетингот, повикот за акција (CTA) е насока до публиката дизајнирана да предизвика непосреден одговор, обично користејќи императивен глагол како што се „јавете се веднаш“, „дознајте повеќе“ или „денес посетете ја продавницата“.[1] Другите видови повици за акција може да им дадат на потрошувачите силни причини за инстантно купување на таква понуда што е достапна само за ограничено време (на пр. 'Понудата е ограничена'; „Ограничени парчиња на располагање“) или посебна зделка обично придружена со временско ограничување (на пр 'Нарачајте пред полноќ и добијте бесплатен подарок со вашата нарачка'; „Два за цена од еден само за првите 50 повикувачи“). Клучот за моќен повик за акција е да им се обезбедат на потрошувачите убедливи причини за навремено купување наместо да ги одложуваат одлуките за купување. Повикот за акција може да биде едноставно барање како „изберете боја“ или „гледајте го ова видео“ или некое друго барање. Очигледен повик за акција е барање за потрошувачот да купи производ или да обезбеди лични податоци и информации за контакт.
Примена[уреди | уреди извор]
Многу материјали за маркетинг, како што се брошурите, флаерите, каталозите и електронските кампањи исто така користат повик за акција. Ваквите упатства се дизајнирани да им покажат на потрошувачите како да го направат следниот чекор и да создадат чувство на итност околу понудата.[2]
Успешните претставници на продажбата веќе долго време препознаваат дека специфични зборови и фрази предизвикуваат посакувани одговори од потенцијалните клиенти и имаат научено да ги вметнуваат најдобрите линии текст во финалните скрипти за продажба. Паметните продажни терени често вклучуваат низа мали повици за акција кои доведуваат до еден конечен повик за акција. Овие помали повици создаваат образец на однесување што им дава на публиката повеќе контекст и им овозможува полесно да ја следат рекламата и да реагираат соодветно на последниот повик за акција - исполннување на барањето од повикот. Пример тоа може да биде набавка на дизајнерски часовник. Продажното лице може да побара од потрошувачот да избере стил, потоа боја, големина, па дури и персонализирана гравура.[3] Кога клиентот го прегледува персонализираниот дизајн, тие се со поголема склоност да го завршат купувањето. Претставникот за продажба може да ја „затвори“ продажбата со прашување: „Дали тоа ќе биде во готово или со картичка?“
Рекламните пораки, особено рекламните пораки со директен одговор, честопати ги користат повиците за акција. Клучот за моќен повик за акција е да им се обезбедат на потрошувачите убедливи причини за навремено купување наместо да ги одложуваат одлуките за купување. Една статија во Волстрит журнал сугерира дека инциденцата на повици за акција во телевизиските реклами се зголемува како резултат на желбата на маркетерите за непосредни и мерливи резултати.[4]
Во веб-дизајн, повик за акција може да биде банер, копче или некоја графика или текст на мрежно место што треба да го поттикне корисникот да кликне на него и да продолжи кон финална набавка. Тоа е суштински дел од влезниот маркетинг, како и маркетингот на одобрување со тоа што активно се стреми кон претворање на корисник во потенцијален клиент, а подоцна и во клиент. Главната цел на повиците за акција е кликнување или скенирање во случај на QR-код, а неговиот успех може да се измери со стапка на кликнување, формула за стапка на претворање која пресметува број на кликови во однос на колку пати е прочитан повикот за акција.[5] Друг начин за тестирање на делотворноста на повите за акција е користење на A/B тестирање каде што на корисниците им се презентираат неколку графики, а графикот со најголема стапка на успех станува стандарден.[6]
Поврзано[уреди | уреди извор]
Наводи[уреди | уреди извор]
- ↑ Eisenberg, B., CALL TO ACTION: Secret Formulas to Improve Online Results, Nashville, Tennessee, Thomas Nelson, 2006, p. 20
- ↑ Horner, T., "Writing a Better Call to Action," Marketing Professors, <Online: http://www.marketingprofs.com/articles/2012/7772/writing-a-better-call-to-action>
- ↑ Niblick, J., The Profitable Consultant: Starting, Growing, and Selling Your Expertise, Wiley, 2013,
- ↑ Steinberg, B., "'Call to Action' Ads Give Clients Results They Can Measure," Wall Street Journal, 22 March 2005, <https://www.wsj.com/articles/SB111145597859585890>
- ↑ Liflander, R., The Everything Online Business Book: Use the Internet to Build Your Business, Holbrook, MA, Adams Media, 2000, p. 25
- ↑ Bashinsky, A., "6 Easy Ways to Incorporate Emotional Appeals Into Your Website's Call to Actions," Entrepreneur, 13 January 2016, <Online: https://www.entrepreneur.com/article/253284>