Пештерска порта

Порта погодна за лилјаци во Колмановата Пештера.

Пештерска порта ― вештачка барикада обично поставена на, или веднаш внатре, на влезот во пештера во обид да го попречи или отежни пристапот на луѓето до внатрешноста на пештерата. Причината за затворање на пештерата може да биде различна, но може да е поради заштита на чувствителни или загрозени видови лилјаци, заштита на кревката содржина на пештерата или ограничување на пристапот до опасните пештери.

Во Соединетите Држави, развиен е „индустриски стандард“ за изградба на порти. Овој стандард е широко користен од служби како што се Служба за национални паркови, Служба за риби и див свет на Соединетите Држави, Биро за управување со земјиште, Шумска служба на Соединетите Држави, Зачувувањето на природата), Национално спелеолошко друштво и други. Овој стандард се насочува на правилното поставување на портите што не го попречува протокот на воздух што би го променило микро-екосистемот на пештерата.

Индустрискиот стандард или „Основен дизајн на портата“ е вертикално поставена рамна решетка од хоризонтални шипки. Растојанието на решетката на шипките е од клучно значење за да се овозможи пристап на мали животни, како лилјаци, но ограничување на влезот на луѓето. Постојат и други дизајни, но се чини дека растојанието меѓу решетката е универзално.