Ристо Џунов
Ристо Џунов | ||
Роден | 1 април 1919 Ваташа, Кралство Југославија | |
---|---|---|
Починал | 23 февруари 2005 (возраст: 85) Скопје, Македонија | |
Националност | Македонец | |
Познат | Партизанска споменица 1941 | |
Занимање | економист, борец, државник, општественик, дипломат |
Ристо Џунов (1 април 1919 во Ваташа — 23 февруари 2005 во Скопје) — македонски економист, национален деец, првоборец, еден од организаторите на НОБ во Тиквешијата, државник, општественик и дипломат.[1]
Животопис[уреди | уреди извор]
Завршил гимназија во Горњи Милановац и Крагуевац во Србија, а студирал на Белградскиот универзитет, каде што бил активист на Културно-просветното друштво „Вардар“ и на МАНАПО.
Станал член на Сојузот на комунистите на Југославија во 1940 година, а во мај 1943 година станал борец на НОПО „Добри Даскалов“. Подоцна, станал раководител на партиската техника на Третата оперативна зона на НОВ и ПОМ и секретар на Околискиот народен одбор во Кавадарци во 1944 година.
По завршувањето на Втората светска војна, Џунов извршувал бројни општествени и државни функции: републички и сојузен пратеник, член на Извршниот комитет на Централниот комитет на Созјуто на комунистите на Македонија, секретар во Владата на НРМ, секретар на Президиумот на Собранието на НРМ во периодот 1949-1951, потпретседател на Извршниот совет на НРМ, претседател на Задружниот сојуз на Македонија, потпретседател на Задружниот сојуз на Југославија, член на Централниот комитет на Сојузот на комунистите на Југославија во периодот 1958-1962, потпретседател на Сојузната конференција на ССРНЈ во периодот 1977-1982 година, секретар за труд и социјална политика на Сојузниот извршен совет, претседател на СЗБ на НОВЈ, член на Претседателството на Централниот комитет на СКМ и амбасадор на СФРЈ во Кралството Шведска во периодот 1971-1978.
Носител е на Партизанска споменица 1941.
Наводи[уреди | уреди извор]
- ↑ Ристовски, Блаже, уред. (2009). „Џундева“. Македонска енциклопедија. , книга II (М-Ш). Скопје: МАНУ. стр. 1642. Text "series " ignored (help)
- Родени во 1919 година
- Луѓе од Ваташа
- Починати во 2005 година
- Починати во Скопје
- Луѓе од Кавадарци
- Македонски економисти
- Македонски државници
- Македонски општественици
- Македонски дипломати
- Учесници во НОБ
- Македонски комунисти
- Југословенски комунисти
- Македонски партизани
- Апсолвенти на Белградскиот универзитет
- Носители на Партизанска споменица од 1941