Бобан Стефковски
| Бобан Стефковски | |
|---|---|
| |
| Градоначалник на Општина Гази Баба | |
| Лични податоци | |
| Роден(а) | 14 април 1984 Скопје, СР Македонија, СФРЈ |
| Националност | Македонец |
| Партија | ВМРО-ДПМНЕ |
Бобан Стефковски (роден на 14 април 1984 во Скопје) ― македонски политичар и тековен градоначалник на Општина Гази Баба од ноември 2021 година.[1]
Биографија[уреди | уреди извор]
Основно и средно образовани го стекнал во Скопје. Дипломирал на Институт за одбранбени и мировни студии - Скопје при Универзитетот Св. Кирил и Методиј. На истиот факултет се стекнал со дипломата на магистерските студии, со одбрана на магистерската тема: Менаџмент на човечки ресурси во безбедносните институции во РМ.
Првото работно искуство го стекнал во Министерството за труд и социјална политика, како соработник во Сектор за поддршка на министер, а од 2017, до избор за градоначалник на Општина Гази Баба работел на место државен советник во Сектор за водење на прекршочна постапка од областа на работни односи и безбедност и здравје при работата.
Во периодот од 2009 - 2013 година бил член на Советот во Општина Гази Баба[2].
Бобан Стефковски во тек на своето образование и работа се стекнувал и со дополнителни знаења преку различни курсеви и едукативни единици; Обука за комуникациски вештини и деловно работење; Обука за млади лидери; Обука за менаџмент; Обука за дискриминација; Работилница за водење на прекршочни постапки- Академија за судии и јавни обвинители.
Наводи[уреди | уреди извор]
- ↑ „архивска копија“. Архивирано од изворникот на 2021-12-28. Посетено на 2021-12-28.
- ↑ Гласило/Gazete, ЗЕЛС, 2021