Прејди на содржината

Pentatonix

Од Википедија — слободната енциклопедија
Pentatonix
Pentatonix на парадата за Денот на благодарноста Во Њујорк во 2023 година. Од лево кон десно: Мет Сали, Мич Граси, Кирстин Малдонадо, Скот Хојинг и Кевин Олусола
Животописни податоци
Познат(а) и какоPTX
ПотеклоАрлингтон, Тексас, САД
Жанрови
Период на активност2011 (2011)–денес
Издавачи
Мреж. местоptxofficial.com

Pentatonix (транскрипција: Пентатоникс; скратено PTX) ― американска а капела група од Арлингтон, Тексас. Групата е составена од пејачите: Кирстин Малдонадо (мецосопран), Мичел Граси (тенор),  Скот Хојинг (баритон), Кевин Олусола (битбокс) и Мет Сали (бас). Нивната музика се карактеризира со аранжмани во поп-стил со вокални хармонии, бас линии, рифови, перкусии и битбокс, а создаваат преработки на модерни поп-композиции или божиќни песни и оригинални мелодии. Групата Pentatonix била основана во 2011 година и победиле во третата сезона од натпреварот за а-капела групи The Sing-Off на NBC, при што добиле 200 000 долари и договор за снимање со Sony Music.[1][2] Откако издавачката куќа во сопственост на Sony Music, Epic Records по завршувањето на обврската од The Sing-Off, не го продолжила договорот со групата, Pentatonix креирале свој канал на YouTube и ја дистрибуирале нивната музика преку Madison Gate Records, издавачка куќа во сопственост на Sony Pictures.[3][4][5]

Нивниот прв мини-албум, PTX, Volume 1, бил објавен во 2012 година, а истата година го објавиле и празничното издание PTXmas. Третото издание на Pentatonix, PTX, Vol. II, во 2013 година дебитирало на прво место на Билбордовата топ-листа за независни албуми и десето место на Билборд 200.[3] Во мај 2014 година, Pentatonix потпишале договор со RCA Records, „најистакната“ издавачка куќа под капата на Sony Music Entertainment,[6] и истата година, групата го издала четвртиот мини-албум, PTX, Vol. III. Во 2014 година тие, исто така, издале два студиски албума: PTX, Vols. 1 & 2, компилациски албум издаден во Јапонија, Кореја и Австралија и нивното второ празнично издание, That's Christmas to Me. Албумот добил златен сертификат од Здружението на музичките издавачи во Америка (RIAA), станал платинест на 24 декември 2014 година и двојно платинест на 11 февруари 2016 година. Со ова, албумот станал празничен албум од група со највисок пласман на топ-листите од 1962 година и четврти најпродаван албум во САД за 2014 година.[7][8] Следната година Pentatonix го издале нивниот истоимен албум. Ова бил нивен прв албум составен од оригинални нумери, а дебитирал на врвот на американската Билборд 200 топ-листа. Во 2016 година го објавиле нивниот трет божиќен албум, A Pentatonix Christmas, а една година подоцна и ново EP, PTX, Vol. IV – Classics.

Во септември 2017 година, оригиналниот бас-пејач Ави Каплан, ја напуштил групата и бил заменет со Сали,[9] кој пеел на песните од нивниот компилациски албум Pentatonix Christmas Deluxe и на нивниот следен студиски албум PTX Presents: Top Pop, Vol. I. Сали дипломирал на музичкиот колеџ Беркли, каде што бил член на а-капела групата Pitch Slapped.[10]

Пентатоникс освоиле три Греми награди: тие биле прва а-капела група која што освоила награда за „Најдобар аранжман на инструментално или а-капела дело“ (ја освоиле наградата во 2015 и 2016 година)[11] и „Најдобра кантри-изведба од дуо или група“ (2017).[12] На 21 февруари 2023 година, групата добила ѕвезда на Булеварот на славните во Холивуд.[13]

Дискографија[уреди | уреди извор]

Студиски албуми[уреди | уреди извор]

  • PTX, Vols. 1 & 2 (2014)
  • PTX (2014)
  • That's Christmas to Me (2014)
  • Pentatonix (2015)
  • A Pentatonix Christmas (2016)
  • PTX, Vol. IV: Classics (2017)
  • PTX Presents: Top Pop, Vol. I (2018)
  • Christmas is Here! (2018)
  • We Need a Little Christmas (2020)
  • The Lucky Ones (2021)
  • Evergreen (2021)
  • Holidays Around the World (2022)

Компилациски албуми[уреди | уреди извор]

  • The Best of Pentatonix Christmas (2019)
  • White Christmas (2021)
  • The Greatest Christmas Hits (2023)

Членови[уреди | уреди извор]

  • Мич Граси – тенор (2011–денес) [14]
  • Скот Хојинг – баритон (2011–денес)
  • Кирстин Малдонадо – сопран (2011–денес) [15]
  • Кевин Олусола – вокални перкусии, виолончело, битбокс, баритенор (2011–денес)
  • Мет Сали – вокален бас и бас, тапани (2017–денес)

Поранешни членови

  • Ави Каплан – вокален бас и бас (2011–2017) [9]

Наводи[уреди | уреди извор]

  1. ↑ Hyman, Vicki (November 29, 2011). „Pentatonix scores 'The Sing-Off' title“. The Star-Ledger. Посетено на August 24, 2012.
  2. ↑ Nededog, Jethro (November 29, 2011). „'The Sing-Off's' Pentatonix on Going From Newly Formed Group to the Show's Winners“. The Hollywood Reporter. Посетено на August 24, 2012.
  3. ↑ 3,0 3,1 Barnes, Brooks (November 17, 2013). „A Tiny Label Is Behind an a Cappella Group's Success“. NewYorkTimes. Посетено на November 17, 2013.
  4. ↑ „Interview: Entertainment.ie speaks to US a cappella group Pentatonix“. Entertainment.ie. November 25, 2014. Посетено на November 27, 2014.
  5. ↑ Karp, Hannah (December 11, 2014). „Pentatonix Tears Up the Charts“. The Wall Street Journal. Посетено на December 15, 2014.
  6. ↑ „Pentatonix Signed to RCA Records“. The Hollywood Reporter. May 13, 2014. Посетено на May 13, 2014.
  7. ↑ „Pentatonix Has the Highest-Charting Christmas Album by a Group Since 1962“. Yahoo Music. December 3, 2014. Посетено на December 3, 2014.
  8. ↑ Празен навод (help)
  9. ↑ 9,0 9,1 Nyren, Erin (May 12, 2017). „Avi Kaplan Exits Pentatonix in Tearful Goodbye Video“. Variety. Посетено на May 13, 2017. Грешка во наводот: Неважечка ознака <ref>; називот „auto“ е зададен повеќепати со различна содржина.
  10. ↑ Haynes, Allana (March 22, 2019). „From singing in a Baltimore church to performing around the world with a cappella group Pentatonix“. baltimoresun.com. Посетено на 2021-12-14.
  11. ↑ „Grammy Awards Winners“. Архивирано од изворникот на February 9, 2015. Посетено на February 8, 2015.
  12. ↑ Roberts, Randall (February 12, 2017). „Dolly Parton and Pentatonix win country duo/roup performance for 'Jolene'“. Los Angeles Times. Посетено на May 14, 2018.
  13. ↑ „MULTIPLE AWARD-WINNING A CAPPELLA GROUP PENTATONIX TO BE HONORED WITH HOLLYWOOD WALK OF FAME STAR“, walkoffame.com, Посетено на 2023-02-22
  14. ↑ Jones, Darianna. „Bold & Sugar Interviews Mitch Grassi of Pentatonix: "Don't Be Afraid to Be Different"“. BoldAndSugar.com. Bold and Sugar. Архивирано од изворникот на August 25, 2014. Посетено на January 24, 2015.
  15. ↑ „Kirstin Maldonado Voice Type“. Vocal Views.

Надворешни врски[уреди | уреди извор]

Нормативна контрола
 Оваа статија за музичка група или друг музички состав од САД е никулец. Можете да помогнете со тоа што ќе ја проширите.
Преземено од „https://mk.wikipedia.org/w/index.php?title=Pentatonix&oldid=5203784“