„Okus Mentola“ (македонски: Вкус на ментол) е песна од хрватската поп пејачка Јелена Розга од нејзиниот трет соло студиски албум Moderna žena (2016). Песната е издадена како сингл од албумот во 2013 година. Напишана е од дуото Хуљиќ коешто се состои од музичарот и продуцент Тончи Хуљиќ и неговата сопруга, поетесата и текстописец Вјекослава Хуљиќ. Песната е продуцирана од Борис Ѓурѓевиќ. Според текстот, во песната се работи за женски протагонист којшто флертува со нејзиниот машки партнер и го поттикнува да ја љуби со неговите усни кои имаат „вкус на ментол“.
Со цел да ја промовира, Розга ја извела „Okus mentola“ во живо за време на фестивали и телевизиски настапи, а потоа и на повеќето од нејзините концерти. Музичкото видео за песната е во режија на Дарио Радусин и е издадено 2014 година. Денес, важи за една од најпознатите песни на пејачката и на нејзините концерти е пропратен со гласно пеење од публиката.
