Macrophya duodecimpunctata
| Macrophya duodecimpunctata | |
|---|---|
| |
| Macrophya duodecimpunctata Норвешка | |
| Научна класификација | |
| Царство: | Animalia |
| Колено: | Arthropoda |
| Класа: | Insecta |
| Ред: | Hymenoptera |
| Подред: | Symphyta |
| Натсемејство: | Tenthredinoidea |
| Семејство: | Tenthredinidae |
| Род: | Macrophya |
| Вид: | M. duodecimpunctata |
| Научен назив | |
| Macrophya duodecimpunctata (Linnaeus, 1758) | |
Macrophya duodecimpunctata е вид на растителна оса во семејството Tenthredinidae.
Живеалиште[уреди | уреди извор]
Географската распространетост на оваа оса е: Европа, Турција, Сибир, Јапонија. Во Македонија се среќава во источниот дел.[1]
Биологија[уреди | уреди извор]
Возрасните единки достигнуваат должина од 10-11 милиметри. Главата им е црна, грубо пунктирана и матова. Градите се црни од долната страна, аглите на пронотумот и скутелумот бели. Крилата жолтеникави, жилките светлокафеави а стигмата жолта.[1] Нозете црни со белузлави дамки, предните и средните најобично белузлави на предните страни, задните нозе со белузлави дамки на коксите и со белуизлави појаси на надворешните страни на тибиите. Абдоменот црн, со белузлави дамки од страните на петтиот и шестиот тергит, понекогаш и на четвртиот и деветтиот.[1]
Ларвите достигнуваат должина од 18 мм. Главата им е светложолтокафеава со 5 надолжни линии, составени од темносиви точким телото кафеаво, од долната страна посветло. Од горната страна со две надолжни темнокафеави линии. На нозете коксите со темни дамки, фемурите довојно подолги од трохантерите. Тие се развиваат во периодот од август до октомври, а возрасните се среќаваат во периодот мај-септември.[1]
Наводи[уреди | уреди извор]
- ↑ 1,0 1,1 1,2 1,3 Јонче Чинговски: Фауна на Македонија VI, Скопје, 1985, стр. 235-236
|