Фогтланд (округ)
Фогтланд Landkreis Vogtlandkreis | |||
---|---|---|---|
округ | |||
Земја | Германија | ||
Покраина | Саксонија | ||
Седиште | Плауен | ||
Површина | |||
• Вкупна | 1,412 км2 (545 ми2) | ||
Население (31 декември 2020)[1] | |||
• Вкупно | 223.905 | ||
• Густина | 160/км2 (410/ми2) | ||
Час. појас | CET (UTC+1) | ||
• Лето (ЛСВ) | CEST (UTC+2) | ||
Рег. таб. | V, AE, OVL, PL, RC | ||
Мреж. место | http://www.vogtlandkreis.de |
Фогтланд (германски: Vogtlandkreis) — округ во југозападниот дел на сојузната покраина Саксонија, Германија, на границата со Тирингија, Баварија и Чешка. Соседни окрузи се (од југ надесно) Хоф, Зале-Орла, Грајц, Цвикау и Рудни Планини. Плауен е административен центар на округот.
Историја[уреди | уреди извор]
Фогтланд станал дел од Светото Римско Царство во XII век. Во 1209 година, владејачката династија ја поделила областа на три дела, Вајда, Грајц и Гера-Плауен. Кога централната власт се намалила врз овие области, наречени на латински advocatus или на германски Vögte можеле администраторите да стекнат право на водачи на областите. 1354-1357 година завршило таквото владеење и областа преминала во посед на Бохемија.
Во 1546 година Хајнрих Четврти од Плауен ја добил областа од бохемискиот крал и подоцна император Фердинанд Први. Неговите не ја наследиле само земјата, туку и многу голем долг, па така областа била купена од Саксонија од Хајнрих Шести, а во 1569 година првпат се создал округот Фогтланд (Voigtländischen Creiß).
Во 1657-1718 година, Саксонија била поделена на делови, па така Фогтланд припаѓал на Саксо-Цајц. Во 1835 година новата уставна монархија ја променила администрацијата и го укинала стариот округ и наместо него бил создаден Amtshauptmannschaft Плауен. Во 1907 година градот Плауен излегол од округот и станал урбан округ.
Во времето на Источна Германија, владата во 1952 година спровела голема административна реформа и го преименувала областите во Kreise (окрузи) и ги создала новите окрузи Клингентал и Рајхенбах, притоа намалувајќи ја големината на претходниот округ. По повторното обединување на Германија, промените со реформата од 1952 година биле укинати и во 1996 година биле споени 5 окрузи во Фогтланд.
Со реформата на окрузите на 1 август 2008 година, градот Плауен бил вклучен во округот.
Географија[уреди | уреди извор]
Фогтланд е именуван по географската област која ја покрива, Фогтланд. Се наоѓа на Рудните Планини и има големи површини на шуми. Главна река во округот е Вајсе Елстер.
Луѓе[уреди | уреди извор]
Првиот германски космонаут, Зигмунд Јен е роден во Фогтланд. Во неговото родно место Моргенрете-Раутенкранц, во општината Мулденхамер, се наоѓа мала изложба Изложба на вселената.
Грб[уреди | уреди извор]
Лавот на левата страна на грбот е традиционалниот симбол на Vögte од Вајда, Гера и Плауен, кој бил донесен во 1294. Орелот на десната страна ја претставува Светото Римско Царство, бидејќи Фогтланд припаѓал на Царството. |
Градови и општини[уреди | уреди извор]
Градови | Општини | |
---|---|---|
Наводи[уреди | уреди извор]
- ↑ „Тековно население по општини во 2020 г.“. Статистичка служба на Саксонија. јуни 2020. (германски)
Надворешни врски[уреди | уреди извор]
- Фогтланд на Ризницата ?
- Матична страница (германски) (чешки)
|
50°26′N 12°16′E / 50.433° СГШ; 12.267° ИГД
|