Настани во април

527	Византискиот цар Јустин I го именувал својот внук Јустинијан I за совладетел и наследник на престолот.
1826	Семјуел Мори го патентирал моторот со внатрешно согорување.
1951	Формиран е Архивот на Македонија — Ден на архивистите на Македонија.
1976	Стив Џобс и Стив Возњак ја го основаат претпријатието „Епл“ (Apple).
2001	Холандија станала првата земја во светот што го озаконила истополови бракови.
2001	Поранешниот претседател на Сојузна Република Југославија Слободан Милошевиќ се предал на специјалната полиција за да одговара за обвиненијата за воени злосторства пред меѓународниот трибунал во Хаг.
2002	Холандија станала првата земја што ја легализирала евтаназијата.
2014	Мануел Валс е назначен за премиер на Франција.

2 април

1453	Во понеделник (втор ден на Велигден) на 2 мај Мехмед II Освојувачот ја започнува Опсадата на Цариград. Градот ќе падне во рацете на Османлиите на 29 мај истата година.
1792	Озаконет доларот како парична единица во САД.
1975	Завршена е кулата „Си-ен“ во Торонто, Канада која во тоа време била највисоката градба на светот со 533,33 метри.
1982	Аргентина извршила инвазија на Фолкландските Острови што го означил почетокот на Фолкландската војна помеѓу Обединетото Кралство и Аргентина. Војната завршила по два и пол месеци, на 14 јуни истата година со пораз на Аргентина и повлекување од островите.

3 април

1043	Едвард Исповедникот е крунисан за крал на Англија.
1789	Прославениот војсководец Џорџ Вашингтон положи заклетва и така стана прв претседател на САД, новата држава на северноамериканскиот континент.
1917	Владимир Илич Ленин се вратил во Русија од прогонство и застанал на чело на Руската револуција од 1917. Пред болшевичките водачи го претставил својот реферат „За задачите на пролетаријатот во сегашната револуција“ познат и како „Априлски тези“.
1945	Во Скопје, со изведувањето на претставата „Платон Кречет“ од советскиот драматург Александар Корнејчук, во режија на Димитар Ќостаров, а во превод на Блаже Конески, почна континуирано да работи Македонскиот народен театар.
1948	Претседателот на САД Хари Труман го потпишал Маршаловиот план со кој ја овластил помошта на САД од 5 милијарди долари за обновата на 16 европски земји по Втората светска војна.
1973	Во Њујорк, САД е воспоставен првиот телефонски повик од мобилен телефон.
1986	IBM го претставил новиот производ PC Convertible, првиот преносен сметач со димензии слични на денешните.
2008	И покрај решеноста на останатите 25 членки, Грција го спречи приклучувањето на Македонија кон НАТО, оправдувајќи го овој потег со потребата за подобрување на соседските односи со решавање на спорот со името на Македонија.

4 април

1905	Во Индија земјотрес во близина на Кангра однел најмалку 20.000 животи.
1945	Втората светска војна заврши на територијата на Унгарија, од каде што Црвената армија ги протера германските војски.
1945	Во Скопје излезе првиот број на весникот „Флака е влазеримит“ („Пламен на братството“), прво гласило на албански јазик во Македонија.
1949	Во Вашингтон, министрите за надворешни работи на САД и на 11 западноевропски држави го потпишаа Северноатлантскиот пакт (НАТО), со кој е создадена силна воено-политичка формација на западните сојузници.
1968	Борецот за правата на американците со африканско потекло, Мартин Лутер Кинг е убиен во Мемфис, САД.
1969	Во Хјустон, САД е извршена првата операција за вградување на вештачко срце во човековиот организам. Пациентот умрел по четири дена.
1973	Во Њујорк, САД официјално e отворен Светскиот трговски центар, целосно разурнат во терористичките напади на Ал-Каеда од 11 септември 2001 г.
1975	Основан „Мајкрософт“ (Microsoft) од Бил Гејтс и Пол Ален.
1994	Марк Андерсен и Џим Кларк го основале „Netscape“.

5 април

1942	Во екот на Втората светска војна Јапонија ја нападнала Шри Ланка.
1654	Со Вестминстерскиот мир завршила Првата англо-холандска војна. Со победата врз Холандија, Англија ја скршила холандската надмоќност на море.
1955	Британскиот премиер Винстон Черчил поднесе оставка на функцијата. Неговото премиерско место го наследи шефот на братанската дипломатија Ентони Идн.
1989	Виетнам соопшти дека до 30 септември 1989 година ќе ги повлече сите војници од Камбоџа што означи крај на меѓусебниот десетгодишен конфликт.
1992	Српските сили воспоставиле опсада на Сараево. Градот останал под опсада до 29 февруари 1996, што е најдолгата опсада во современата воена историја.
1998	Најдолгиот висечки мост на светот, Акаши-Кајкјо во Јапонија, е отворен за сообраќај.
1999	Властите во Либија ги предадоа двајцата Либијци осомничени дека во декември 1988 година ја предизвикале експлозијата на американскиот патнички авион „Боинг 747“ над местото Локерби во Шкотска, при што загинаа 270 лица.

6 април

885	Во Велиград, Велика Моравија (денешна Чешка), умрел и бил погребан Свети Методиј.
1814	Наполеон абдицирал и подоцна бил протеран на островот Елба, близу Италија.
1896	Во Атина почнале првите современи Олимписки игри кои биле организирани од страна на Французинот Пјер де Кубертен, претседател на Меѓународниот олимписки комитет од 1896 до 1925 година. На игрите кои завршиле на 14 април, учествувале 484 натпреварувачи.
1909	Американскиот поларен истражувач Роберт Пири (1856 - 1920) прв стигнал на Северниот Пол. Пири го испитал и најсеверниот дел на Гренланд (Пириева Земја) и напишал неколку дела за своите патувања, како што се „Најблиску до полот“, „Северниот Пол“ и „Тајните на поларните патувања“.
1917	САД во Првата светска војна, по вонредното заседание на Конгресот, ѝ објавиле војна на Германија.
1941	Нацистичка Германија без објава ги нападнала Југославија и Грција. Нападот започнал со бомбардирање на Белград, кој е речиси целосно разорен, а 12.000 луѓе го загубиле животот.
1991	Во Прилеп почнал Првиот конгрес на ВМРО-ДПМНЕ.
1994	Започнал геноцидот во Руанда кој однел над 500.000 животи, откако е соборен авионот кој ги превезувал претседателите на Руанда Џувенал Хабјаримана и на Бурунди Циприен Нтаријамира.

7 април

529	Во Цариград бил издаден првиот нацрт на Јустинијановиот законик (Corpus iustis civilis) — кодификација на царските закони од II век до тогаш.
1348	Во Прага е основан Карловиот универзитет, прв во Средна Европа.
1795	Франција го усвоила метарот како основна мерка за должина.
1906	Вулканот Везув го уништил градот Неапол во Италија.
1939	Војската на Фашистичка Италија започнала инвазија врз Албанија.
1945	Втора светска војна: Американските авиони го потопија најголемиот јапонски воен брод „Јамато“.
1948	Во рамки на Обединетите Нации, основана е Светската здравствена организација.
1953	Даг Хамаршелд, шведски дипломат, е избран за генерален секретар на Обединетите нации.
1963	Усвоен е новиот устав на Југославија, со кој таа се преименувала во Социјалистичка Федеративна Република Југославија (СФРЈ), а Јосип Броз Тито е прогласен за доживотен претседател.
2005	Пакистан и Индија ја утврдиле граничната линија во областа Кашмир.
2012	Џојс Банда станала првата жена-претседател на Малави.

8 април

1513	Шпанскиот истражувач Хуан Понсе де Леон ја открил Флорида и ја прогласил за шпански посед. Во 1819. Шпанија ја продала Флорида на САД за 5 милиони УСД и ветување дека ќе се откажат од претензии кон Тексас.
1820	Милоска Венера е откриена на островот Милос во Грција и станала првостепена атракција кога била изложена во Лувр во Франција, иако некои не ја делеле воодушевеноста, на пример Пјер Огист Реноар рекол дека „потсетува на голем џандар“.
1904	Франција и Обединетото Кралство потпишале „Срдечен сојуз“, предвесник на Антантата која била воен сојуз во текот на Првата светска војна и Втората светска војна, и крај на долговековните војни помеѓу двете земји.
1942	Во Битола бугарската полиција го смртно е повреден членот на месниот комитет на КПЈ Јордан Чопела. Следниот ден умира.
1971	Во Лондон почна Првиот конгрес на Ромите кој траеше до 11 април. По тој повод Организацијата на обединетите нации го прогласи 8 април за Светски ден на Ромите.
1993	Со акламација во Генералното собрание на ОН, Република Македонија е примена како 181 рамноправна членка на Организацијата на обединетите нации под името „Поранешна Југословенска Република Македонија“.
1995	Република Македонија и Сојузна Република Југославија воспоставиле дипломатски односи.

9 април

1387	Османлискиот султан Мурат I го освоил Солун.
1682	Роберт Кавалие де Ла Сал го открил устието на реката Мисисипи, го прогласил за француска територија, и го нарекол по својот крал — Луизијана.
1865	Воениот водач на Конфедерацијата генерал Роберт Ли се предал заедно со своите војски на силите на Унијата (САД) со што завршила Граѓанската војна во САД.
1867	Сенатот на САД со еден глас мнозинство го ратификувал договорот за купување на Алјаска од Царска Русија за 7.200.000 УСД, или околу 4,75 центи за хектар.
1873	Од Солун во Велес пристигна првиот воз. Поради тоа, 9 април е прогласен за Ден на македонските железничари.
1909	Турски офицери на импровизираното игралиште на полјанката зад некогашната Учителска школа во населбата Ислахане (Идадија) во Скопје го одиграа првиот натпревар меѓу себе. Овој датум е прогласен за Ден на македонскиот фудбал.
1928	Како дел од реформите кои ги започнал Ататурк, исламот престанал да биде државна религија во Турција.
1967	Првиот лет на Боинг 737.
2003	Багдад и Ирак биле освоени од коалиционите сили предводени од САД.

10 април

1915	Патувајќи од Мелник за Неврокоп, во близина на Роженскиот манастир, Јане Сандански бил убиен од врховистички наемници.
1948	Започна изградбата на ХС „Маврово“.
1953	Шведскиот дипломат Даг Хамаршелд, е избран за втор по ред генерален секретар на Организација на обединетите нации. Роден е во 1905 година, а загинал во авионска несреќа во Катанга, во 1961 година.

11 април

1713	Потпишан е Утрешкиот мировен договор како финале на тринаесетгодишната Војна за шпанското наследство помеѓу речиси сите поголеми Европски сили од XVIII век.
1919	На Мировната конференција во Париз е формирана Меѓународната организација на трудот.
1921	Првиот спортски радиопренос. Се пренесувал боксерски меч помеѓу Џони Реј и Џони Данди во САД.
1945	Втора светска војна: Американските војници го ослободија нацистичкиот концентрационен логор Бухенвалд.
1964	Фриц Фрелинг и Дејвид Депати ја лансирале серијата цртани филмови со Пинк Пантер и истата година освоиле Оскар за кус анимиран филм.
1991	Советот за безбедност на ОН го објави формалниот крај на Заливската војна, прифаќајќи го ветувањето од страна на властите во Ирак дека ќе платат за штетите од војната и ќе го уништат оружјето за масовно уништување.
1992	Регистриран е Македонскиот олимписки комитет (МОК), формиран на 20 март истата година. За прв претседател е избран д-р Васил Тупурковски.
1995	Во Скопје е формирано Здружението за примена на македонскиот литературен јазик во службената и јавната комуникација.

12 април

467	Антемиј станал римски цар.
1204	Крстоносците го освоиле и опустошиле Цариград.
1557	Бил основан градот Куенка во денешен Еквадор.
1606	Создадено официјално знамето на Обединетото Кралство.
1633	Започнува процесот на инквизиција против Галилео Галилеј.
1861	Започнала Американската граѓанска војна со нападот на силите на Конфедерацијата на Форт Сумтер во Јужна Каролина.
1877	Обединетото Кралство ја припоило Јужна Африка.
1917	Прва светска војна: Канада победила во Битката кај Вими против Германија.
1945	Дотогашниот потпретседател Хари Труман станал претседател на САД, откако претседателот Франклин Рузвелт починал додека бил на функција.
1961	СССР го лансирале во орбита околу Земјата вселенскиот брод „Восток 1“ во кој се наоѓал првиот човек во вселената: 27-годишниот космонаут Јуриј Алексеевич Гагарин.
1966	Американските авиони првпат ја бомбардираа територијата на ДР Виетнам, со што почна ескалацијата на војната во Индокина.
1981	Првиот лет на првото повеќекратно употребливо и пилотирано вселенско летало „Колумбија“ на НАСА.
1992	Отворен е забавниот парк „Дизниленд Париз“ — прв во Европа.

13 април

1898	Француската академија на науките објави дека Марија Склодовска - Кири, хемичар и физичар од полско потекло откри нов елемент кој го доби името радиум.
1913	Општинскиот театар во Битола ја одржал првата кинопретстава. Прикажана е премиерата на филмот „Градинарот Лаврициус“.
1943	Германците објавиле дека во окупираниот дел на Русија, во Катинската шума нашле масовни гробници со повеќе од 4.000 поранешни полски воени заробеници кои силите на СССР претходно ги заробиле по нападот на Полска во 1939-40 г. Откритието ги нарушило односите меѓу СССР и другите сојузници во Втората светска војна. Русија го признала масакрот дури во 1990 г.
1970	Експлодирал еден од двата резервоари со кислород во вселенското летало „Аполо 13“ и екипажот бил во смртна опасност сѐ до враќањето на Земјата четири дена подоцна.

14 април

1865	Во театарот „Форд“ во Вашингтон, Џон Вилкс Бут го застрелал претседателот на САД Абрахам Линколн.
1894	Во Њујорк е претставен кинетоскопот на Едисон, апарат за гледање на подвижни слики — претходник на филмот.
1912	Британскиот патнички пароброд „Титаник“ на своето прво патување преку Атлантикот кон Њујорк, удрил во санта мраз во Северниот Атлантик и потонал следното утро при што загинале 1503 луѓе.
1915	Турција извршила инвазија на Ерменија. Политичките обвинувања за тоа дека Турција извршила геноцид врз десетици илјади лица во Ерменија постојат и денес.
1941	Усташите се задолжени за управувањето со Независната Држава Хрватска од Силите на оската по инвазијата врз Југославија од 6 април истата година.
1992	Во гарнизонот во Охрид пристигнал првиот регрут на Армијата на Република Македонија.
1994	Цариниците во Република Македонија за првпат го одбележаа својот празник — Ден на Царинската служба на Република Македонија.
1995	Република Македонија и Големата Социјалистичка Либиска Народна Џамахирија воспоставиле дипломатски односи.

15 април

1912	По судирот во санта мраз нешто пред полноќ претходниот ден, потона прекуатланскиот брод Титаник. 1517 лица го загубија животот.
1923	Инсулинот станува општо достапен за болните од шеќерна болест.
1955	Во државата Илиноис во САД е отворен првиот ресторан „Мекдоналдс“.
1992	Во касарните во Скопје, Битола, Штип и Охрид пристигнаа првите регрути од регуларниот состав на Армијата на Република Македонија.
1994	Потпишан е општиот договор за трговија и царински тарифи ГАТТ.

16 април

1945	Формирана е првата македонска влада на чело со Лазар Колишевски
1991	Собранието на Социјалистичка Република Македонија го усвои нацрт-амандманот за бришење на атрибутот „Социјалистичка“ пред името на Социјалистичка Република Македонија.
2007	Во Хаг започна судскиот процес против поранешниот македонски министер за внатрешни работи Љубе Бошкоски за наводни воени злостроства во конфликтот во 2001. Покрај Бошкоски обвинет е и Јохан Тарчуловски.
2007	Во Блексбург, Вирџинија, вооружен студент убил 32 колеги и професори од факултетот и ранил уште 20, пред да се самоубие. Еден од најсмртоносните инциденти од овој вид.

17 април

1492	Изабела I Кастиљска и Кристофер Колумбо склучиле договор за неговото патување до Азија преку Атлантикот.
1941	Кралството Југославија капитулирало пред нападот на Силите на Оската во Втората светска војна.
1946	Последните француски војници ја напуштиле Сирија, која стекнала независност.
1961	Инвазија во Заливот на Свињите: 1.511 кубански бегалци во САД, обучени и финансирани од ЦИА, се истовариле во Заливот на Свињите на Куба со цел да го соборат Фидел Кастро.
1969	Александар Дубчек поднесол оставка на функцијата шеф на Комунистичката партија на Чехословачка.
1970	Тешко оштетениот модул на ракетата „Аполо 13“ безбедно се вратил на Земјата со тричлениот екипаж.
1971	Излегол првиот соло-албум на Пол Мекартни „McCartney“.
1975	Војската на Црвените Кмери го зазеле Пном Пен.
1977	Жените во Лихтенштајн добиле право да гласаат на изборите.

18 април

1506	Осветени се темелите на денешната базилика „Св. Петар“ во Рим.
1941	Втора светска војна: Со одбрение на Германија, единиците на Петтата бугарска армија, со Шестата и со Седмата пешадиска дивизија, ја започнаа воената окупација на Македонија.
1942	Втора светска војна: Американското воздухопловство првпат го бомбардира Токио.
1951	Во Париз, Белгија, Западна Германија, Италија, Луксембург, Холандија и Франција потпишаа Договор за создавање Европска заедница за јаглен и челик.
1954	Гамал Абдел Насер станал премиер и воен управник на Египет.
1955	Во индонезискиот град Бандунг започна афроазиска конференција на 29 земји, на која се потврдени принципите на деколонизација и создавање на „третиот свет“.
1980	Јужна Родезија под името Зимбабве стана 50-та независна држава во Африка. За прв претседател е избран Ханан Банана.
1991	Со победата против „Барселона“ со резултат 70:65, југословенската екипа „Поп '84“ од Сплит по третпат едноподруго станала европски првак во кошарка.
1994	Странските хуманитарни организации соопштија дека етничките масакри на припадниците на племињата Хуту и Тутси, за време на кои се убиени околу милион лица, ја зафатиле целата територија на Руанда.
1996	Република Македонија и Република Руанда воспоставиле дипломатски односи на ниво на амбасади.

19 април

1587	Англискиот адмирал Френсис Дрејк ја потопува шпанската флота кај Кадис.
1775	Во Масачусетс, започнува американската војна за независност од Велика Британија.
1839	Со Лондонскиот договор, се формира Кралството Белгија, а потврдена е и независноста на Големото Војводство Луксембург.
1909	Јованка Орлеанка е прогласена за светица.
1943	Втора светска војна: Започнува неуспешно востание против нацистичката окупација во варшавското гето.
1945	Втора светска војна: Американските војници го зазедоа германскиот град Лајпциг.
1956	Склучен е бракот помеѓу американската глумица Грејс Кели и моначкиот кнез Рение III.
1961	Американската инвазија на Заливот на Свињите, во Куба, завршува со неуспех.
1971	СССР ја лансира вселенската станица „Саљут“ во орбитата околу Земјата.
1993	Кралството Холандија ја призна независноста на Република Македонија.
1995	Бомбардирана е федералната зграда на Оклахома Сити (Оклахома, САД). 168 мртви.
1997	Демократската и Либералната партија се обединија формирајќи ја Либерално-демократската партија.
1999	Германското собрание се враќа во Берлин.
2000	Боинг 737 на Air Phillipines се урива на аеродромот во Давао, убивајќи 131 лице.
2005	Јозеф Рацингер е избран за папа Бенедикт XVI.
2019	Мигел Дијас-Канел станува претседател на Куба.

20 април

1972	Американското вселенско летало „Аполо 16“ се спушти на површината на Месечината.
1991	На 11-от Конгрес на СКМ - Партија за демократска преобразба е формиран Социјалдемократскиот сојуз на Македонија
1999	Во округот Џеферсон, Колорадо е извршен масакр во средното училиште „Колумбина“

21 април

753 п.н.е.	Според преданието, Ромул и Рем го основале градот Рим.
1836	Војската на Тексас под водство на Сем Хјустон ги победила мексиканските сили на генералот Антонио Лопес де Санта Ана во решавачката битка на Тексашката револуција.
1944	Жените во Франција добиле право на глас.
1918	Прва светска војна — германскиот воен пилот Манфред фон Рихтхофен познат како Црвениот Барон е погоден и убиен во небесна битка над Во на Сома, Франција.
1946	Во Скопје е изведена првата премиера на Куклената секција при Македонскиот народен театар. Тоа била претставата „Силјан Штркот“, според истоимената народна приказна.
1956	Елвис Присли за првпат се искачил на првото место на топ-листите.
1967	Неколку дена пред општите избори во Грција, полковникот Јоргос Пападопулос спровел државен преврат со кој воспоставил воен режим во земјата кој траел следните седум години.
1994	Во населбата Драчево, кај Скопје е предадена во употреба земската сателитска станица за директна телекомуникациона врска меѓу Република Македонија и САД.
2001	Во Јужна Африка се одржала борбата меѓу актуелниот првак Ленокс Луис и предизвикувачот Хасим Рахман. Рахман победил со нокаут во петтата рунда, со што станал светски првак во бокс, во тешка категорија, во верзиите на WBC, IBF и IBO.

22 април

1500	Португалскиот морепловец Педро Кабрал стигнал до Бразил и го прогласил за португалски посед. Ова се празнува како Ден на откривањето на Бразил.
1920	Стапија во штрајк поштарите во Македонија — Ден на поштарско-телеграфските работници на Македонија.
1964	Тангањика и Занзибар се обединиле во заедничка држава — Танзанија.
1970	Почнал да се празнува Денот на планетата земја.
2007	Ѓорѓи Трендафилов е избран за претседател на ВМРО-Народна партија

23 април

1972	Во Скопје е поставен камен-темелник на Соборниот архиепископски храм на Македонската православна црква „Свети Климент Охридски“, кој е осветен на 12 август 1990 година.
1982	Пуштен е во продажба Зет-Икс Спектрум.
1996	УНЕСКО го промовира Светскиот ден на книгата, по повод годишнината од смртта на Сервантес, Шекспир и Де Ла Вега

24 април

1184 п.н.е.	Според преданието, Данајците навлегле во опсадената Троја преку групата скриена во подарениот Тројанскиот коњ. Оттука поговорката: „Не им верувај на Данајците ни дарови кога носат“.
1854	Врховниот суд на САД донел пресуда дека патентот за машина за шиење му припаѓа на механичарот Елиас Хау. Тој ја конструирал машината за шиење и во потрага за покровител отишол во Англија, каде директорот на патувачкиот театар „Сингер“ и други луѓе го измамиле и почнале да ја произведуваат познатата „сингерка“. Своето право на патентот, Хау го добил по судски пат и секојдневно примал по 4.000 долари за лиценцата.
1877	Царот на Русија Александар II му објавил војна на Османлиското царство, бидејќи одбило да го почитува Лондонскиот договор. Војната завршила во декември, кога британската флота ја принудила руската војска да се повлече.
1898	Шпанија ѝ објавила војна на САД по американскиот ултиматум за повлекување на шпанската војска од Куба.
1945	Втора светска војна: Американската војска го ослободила концентрациониот логор „Дахау“.
1949	Во Скопје се одржало првото Универзитетско собрание во Македонија при што е формиран Скопскиот универзитет. Во 1969 година, при одбележувањето на 20-годишнината од работата, Универзитетот го добил името „Кирил и Методиј“, а од 12 ноември 1992 година се вика „Св. Кирил и Методиј“.
1970	Лансиран е првиот кинески вештачки сателит.
1995	Владата на Република Македонија донесе одлука за воспоставување дипломатски односи меѓу Република Македонија и Република Полска на амбасадорско ниво.

25 април

1191	Започнало зографирањето на црквата „Свети Ѓорѓи“ во селото Курбиново, Ресенско.
1719	Излегол романот „Робинзон Крусо“ на англискиот писател Даниел Дефо.
1859	Според проектот на францускиот конзул во Александрија Фердинанд де Лесепс, започна изградбата на Суецкиот Канал, со кој Средоземното Море е поврзано со Црвеното Море. Каналот има големо стратешко и економско значење, затоа што е најкраток пловен пат од Европа до земјите на Блискиот и Далечниот Исток.
1959	Пловниот пат Сент Лоренс, кој ги поврзува Големите Езера преку реката Сент Лоренс и систем од канали со Атлантскиот Океан е отворен за пловидба.
1945	Во Сан Франциско, САД, почна основачката конференција на Организацијата на Обединетите нации, во чија работа учествуваа 45 земји, членки на антихитлеровската коалиција. Право на учество имаа земјите кои до 1 март 1945 година им објавија војна на силите на Оската. Учесниците на конференцијата ја потпишаа Повелбата на ООН на 20 јуни, а ја ратификуваа на 24 октомври 1945 година (Ден на ООН).
1960	Во Битола е основано Друштво за наука и уметност. Друштвото е основано со цел да го потикнува развојот на научната мисла, да го проучува минатото, да извршува истражување и унапредување на сите области во развојот на градот и околината.
1979	Во Битола е основан вториот универзитет во СР Македонија, „Свети Климент Охридски“.
1996	Република Македонија и Хондурас воспоставиле дипломатски односи на ниво на амбасади.

26 април

1962	Во Кејп Канаверал, во САД е лансиран првиот меѓународен сателит за телекомуникациски цели, заеднички американско-британски потфат.
1964	Со обединувањето на Тангањика и Занзибар е прогласена Обединетата Република Танзанија.
1986	Катастрофа во атомската централа Чернобил, СССР. 57 луѓе загинале во несреќата, уште околу 9.000 илјади од директни последици на зрачењето, а 336.000 лица биле евакуирани и раселени од околината на Чернобил.
1992	Владата на Република Македонија донесе одлука за признавање на Република Босна и Херцеговина.
1992	Република Македонија монетарно се осамостои. Новата македонска валута доби име „денар“.
1993	Република Албанија ја призна независноста на Република Македонија.

27 април

1521	На својот пат околу светот, кај Мактан на Филипините, убиен е Фернандо Магелан во борба со домородците предводени од главатарот Лапу-Лапу. Дел од експедицијата го продолжува и успешно го завршува патувањето во 1522. година.
1810	Бетовен ја искомпонирал „За Елиза“.
1905	Кај месноста Свиланово, во близина на селото Рајчани, кочанско, во борба против османлиската војска загина Никола Карев — македонски револуционер, социјалист, организатор и претседател на Крушевската Република од 1903 година.
1960	Прогласена е независноста на африканската држава Того, поранешна француска колонија.
1961	Прогласена е независноста на Сиера Леоне, поранешна британска колонија во Африка.
1992	По распадот на СФРЈ, Србија и Црна Гора ја формирале Сојузна Република Југославија.
1993	Еритреја стекна независност од Етиопија по три децении граѓанска војна и референдум на кој Еритрејците гласаа за независност.
1993	Претставници на Кина и Тајван, за првпат од 1949 година, се сретнаа во Сингапур.

28 април

518	Катастрофален земјотрес го разрушил Скупи, претходникот на денешно Скопје.
1945	Бенито Мусолини и неговата љубовница Клара Петаки се погубени од стрелачки вод составен од членови на италијанското движење на отпорот.
1964	Излегло првото издание на „Битолски весник“.
1969	Претседателот на Франција, Шарл де Гол поднесе оставка на функцијата по 11 години владеење. Тој се повлече од функцијата по референдумот за регионализација на државата и укинување на Сенатот, на кој, мнозинство од гласачите се изјаснија против неговите идеи.
1980	Американскиот државен секретар Сајрус Венс поднесе оставка на функцијата по неуспешната мисија на командосите за спасување на американските заложници во Иран.
2001	Кај Вејце, Тетовско, на ѕверски начин се масакрирани 8 припадници на македонските безбедносни сили од страна на припадници на т.н. ОНА. Настанот се смета за едно од најголемите ѕверства во поновата македонска историја.
2001	Милионерот Денис Тито станал првиот вселенски турист во светот. Платил 20 милиони УСД за да лета на Руската ракета Сојуз ТМ-32 и минал скоро 8 дена во вселената.
2004	Кандидадот на СДСМ Бранко Црвенковски е избран за Претседател на Република Македонија со убедлива победа против кандидатот на ВМРО-ДПМНЕ Сашко Кедев.

29 април

1429	Јованка Орлеанка на чело на неколку стотици Французи ги победила англиските освојувачи и го зазела градот Орлеан.
1672	Кралот Луј XIV извршил инвазија на Холандија.
1861	По предлог на епископот Јосип Јурај Штросмајер, Собранието на Хрватска донело одлука за основање на Југословенска академија на науките и уметностите како матична културно-научна установа на сите Јужни Словени.
1945	Втора светска војна: германските окупациски сили во Италија безусловно капитулирале пред Сојузниците.
1968	Мјузиклот „Коса“ — претставително дело на хипи-движењето и пацифизмот бил премиерно прикажан на Бродвеј во Њујорк, САД.
1997	Во Луксембург, Република Македонија и Европската унија ја потпишале спогодбата за соработка.
1999	При бомбардирањето на НАТО на СР Југославија била урната највисоката зграда во земјата — телевизиската кула (203 м) на планината Авала, близу Белград.
2005	Сирија целосно се повлекла од Либан, окончувајќи ја 29-годишната окупација.
2011	Британскиот принц Вилијам се венчал со неговата долгогодишна девојка Кејт Мидлтон.

30 април

1900	Хаваи станале составен дел на САД.
1916	Летното сметање на времето за првпат во светот се применува во Обединетото Кралство.
1944	Во селото Стајовце, Кумановско, проширениот Иницијативен одбор за свикување на АСНОМ го одржа првото заседание.
1975	Американците го напуштија Сајгон, со што заврши 20-годишната интервенција на САД во Јужен Виетнам.
1992	Во Скопје, редакцијата на весникот „Нова Македонија“ и новинската агенцијата Франс-Прес од Париз, потпишаа долгогодишен договор со кој весникот се вклучува во користењето на општите услуги на агенцијата.
2013	Крунисан холандскиот крал Вилем-Александар, по абдикацијата на неговата мајка, кралицата Беатриса.

31 април

31 април (настани)