Шерафетин Неби
| Шерафетин Неби Şerafetin Nebi | ||
| Родена | 1 октомври 1920 Скопје, Кралство СХС | |
|---|---|---|
| Починала | 1 јули 2008 (возр. 87) Скопје, Македонија | |
| Националност | Македонец | |
| Народност | Турчин | |
| Занимање | глумец режисер драмски автор | |
| Деца | Фирдаус Неби (син) | |
Шерафетин Неби (турски: Şerafetin Nebi; Скопје, 1 октомври 1920, - Скопје, 1 јули 2008) — македонски глумец, режисер и драмски автор од турска народност.[1][2]
Животопис[уреди | уреди извор]
Неби бил роден во Скопје на 1 октомври 1920 година во турско семејство. Основно и средно образование (медреса) завршил во Скопје во 1937 година. До 1950 година работел како учител и како бербер, а потоа се вработил во Турската драма при Турски театар - Скопје. Воедно тој бил еден од неколкутемина основоположници на оваа установа, во која работел до пензионирањето во 1986 година.[3] Бил добитник на Наградата за животно дело при Македонскиот театарски фестивал „Војдан Чернодрински“ во Прилеп во 2002 година. Починал на 1 јули 2008 година во Скопје.[4]
Творештво[уреди | уреди извор]
Одиграл над сто улоги, најчесто главни. Режирал дваесетина претстави. Автор е на три пиеси („Суртук“, „Рашела“, „Месечина во облаци“). Некои од поважните театарски улоги му се во: Милисав („Сомнително лице“, 1950); („Зулумќар“, 1953); („Сосила лекар“, 1954); („Источен ветер - западен ветер“, 1955); („Коштана“, 1956); Згаарел („Ѓаволштините на Скапен“, 1957); („Тахир и Зухре“, 1962); („Сите мои синови“, 1968); Јаго („Отело“, 1973); („Шест лица го бараат авторот“, 1974); Д-р Петров („Моралист“, 1976); Трајан („Рацин“, 1979); Тарарас („Шеќерна приказна“, 1981).
Наводи[уреди | уреди извор]
- ↑ Stefanovski, Risto (1998). Letopis na makedonskata drama i na teatarot vo Makedonija. Direkcija za kultura i umetnost.
- ↑ Stardelov, Georgi (2004). Teatarot na počvata na Makedonija od antikata do denes: prilozi za istražuvanjeto na istorijata na kulturata na počvata na Makedonija. Makedonska akademija na naukite i umetnostite. ISBN 9789989101403.
- ↑ Стефановски, Ристо (2009). Монографија на турскиот театар (PDF). Скопје: Национална установа „Турски театар“. ISBN 978-608-65109-0-9. Архивирано од изворникот (PDF) на 2014-04-01. Посетено на 2011-02-19.
- ↑ „Почина глумецот Шерафетин Неби“. Време. 3 јули 2008. Посетено на 2011-02-19.[мртва врска]