Аријана Гранде
Аријана Гранде | |
---|---|
Аријана Гранде во 2024 | |
Животописни податоци | |
Родено име | Аријана Гранде-Бутера |
Роден(а) | 26 јуни 1993 Бока Ратон, Флорида, САД |
Жанрови | Поп, R&B |
Занимања | Глумица, пејачка, текстописец |
Инструменти | Вокали, пијано |
Период на активност | 2008–сегашност |
Издавачи | Republic |
Мреж. место | arianagrande.com |
Аријана Гранде-Бјутера (англиски: Ariana Grande, 26 јуни 1993) — американска пејачка, глумица и текстописец. Се смета за поп-икона и влијателна фигура во забавната музика. Препознатлива е по нејзиниот вокален дијапазон од четири октави. Гранде во текот на нејзината кариера добила многу признанија, меѓу кои: две Греми награди, една награда Брит, две музички награди од Билборд, три Американски музички награди, девет MTV видео музички награди, а соборила 36 Гинисови рекорди. Ролинг Стоун ја прогласил за една од најдобрите пејачи на сите времиња.
Со продадени над 90 милиони плочи, Аријана Гранде се вбројува меѓу музичарите со најмногу продадени албуми; сите нејзини студиски албуми биле сертифицирани со најмалку платинест тираж од Здружението на музички сниматели на Америка (RIAA). Вкупно има собрано 98 милијарди стримови, а со тоа Гранде е меѓу најстримуваните музичари на сите времиња и најстримувана музичарка (со податоци до 2021 година). Таа била најстримувана жена-изведувач во 2010-тите и во женска конкуренција има најмногу песни со преку милијарда стримови (вкупно 14 песни) на Spotify. Гранде има многу следбеници на друштвените мрежи; со над 380 милиони следбеници, таа е шеста најследена личност на Инстаграм и една од најпретплатените и најследените музичари на YouTube и Spotify. Од списанието Билборд била прогласена за жена на годината (2018) и за најуспешна музичарка која ја започнала кариерата во 2010-тите; се нашла на многу списоци, како: годишниот список за влијателни личности Time 100 (2016 и 2019), годишната листа на Форбс од 100 најмоќни луѓе (2019-2020) и била највисоко рангирана музичарка на списокот од „Музичари со најголеми приходи“ од Форбс (2020).
Аријана Гранде, покрај музичката и филмската кариера, соработувала со многу добротворни организации и се залагала за правата на животните, душевното здравје и родова, расна и ЛГБТ еднаквост. Во 2021 година го лансирала козметичкиот бренд R.E.M. Beauty.
Детство[уреди | уреди извор]
Гранде е родена и израсната во Бока Ратон, Флорида.[1] [2] Ќерка е на Џоан и Едвард Гранде. Френки е нејзиниот постар брат, кој исто така е глумец.[3] Таа има италијанско потекло.[4] Нејзините родители се разделиле кога таа имала осум или девет години.[5]
Како мало дете, Гранде настапувала со Детскиот театар од Форт Лодердејл,[6] а прва улога ѝ била глумењето на сирачето Ени во мјузиклот Ени. Во детскиот театар глумела и во претставите: Волшебникот од Оз и Убавицата и ѕверот.[7][8] На осумгодишна возраст, таа пеела во караоке-салон на брод за крстарење и пеела со различни оркестри како: Филхармонијата на Јужна Флорида, Флорида Саншајн Попс и Симфониски оркестри.[9] Во тоа време, таа учела во училиштето „Пајн Крест“, а подоцна и во подготвителното училиште „Норт Броуард“.[10]
Кариера[уреди | уреди извор]
2008 - 2013: Почетоци и Никелодеон[уреди | уреди извор]
Кога пристигнала во Лос Анџелес за да се сретне со нејзините менаџери, таа изразила желба да сними R&B албум: „Им рековво смисол: „Сакам да направам R&B албум“, а тие изреагираа како „Хм, многу високо целиш. Кој ќе купи R&B албум од 14-годишно дете?!“ Гранде го остварила своето глумечко деби во 2008 година во улогата на Шарлот во мјузиклот на Бродвеј "13".[11] Во 2010 година го создала лик Миријам при читање на новиот мјузикл "Cuba Libre", во авторство на Дезмонд Чајлд.
Во 2009 година Гранде била избрана да глуми во телевизиската серија на Nickelodeon, Побединичка. Во ситкомот, со дејство сместено во средно училиште за сценски уметности, таа ја глумела Кет Валентајн - слатко, наивно и секогаш насмеано девојче. За оваа улога таа морала секоја втора недела да ја бојадисува косата во црвено, по што сериозно ѝ се оштетила. Емисијата премиерно почнала да се прикажува во март 2010 година, а првата епизода ја следеле 5,7 милиони гледачи.[12] [13] Улогата ѝ помогнала Гранде да стекне статус на тинејџерски идол, но таа повеќе била заинтересирана за музичка кариера и рекла дека глумата е „забавна, но музиката отсекогаш беше на прво место за мене“. Во "Victorious" е рамо до рамо со Викторија Џастис, а во една од епизодите на "iCarly" игра заедно со колегите од "Victorious", а од 2013 година се снима во "Sam & Cat" заедно со нејзината добра пријателка и колешка Џенет Меккарди.
Во 2011 година озвучава принцеза Диазпро во "Клуб" Уинкс".
Во август 2013 година, Гранде го издава својот прв студиски албум "Yours Truly", чиј водечки сингл "The Way" влегува во топ 10 на Билборд Хот 100.[14] Следат уште неколку синглови - "Baby I", "Almost Is Never Enough" - балада, во која соработува со Нејтан Сајкс од " The Wanted" и најновиот "Right There" - дует со раперот Биг Шон.
Дискографија[уреди | уреди извор]
- Yours Truly (2013)
- My Everything (2014)
- Dangerous Woman (2016)
- Sweetener (2018)
- Thank U, Next (2019)
- Positions (2020)
- Eternal Sunshine (2024)
Филмографија[уреди | уреди извор]
- Лак за коса во живо! (2016)
- Не гледај нагоре (2021)
- Злобничка (2024)
- Злобничка 2 (2025)
Видеографија[уреди | уреди извор]
Спот | Година | Режисер |
---|---|---|
Put Your Hearts Up | 2012 | Џереми Алтер |
The Way | 2013 | Џонс Кроу |
Popular Song | 2013 | Крис Марс Пилиеро |
Almost Is Never Enough | 2013 | Нев Тодоровић |
Baby I | 2013 | Рајан Палота |
Right There | 2013 | Нев Тодоровић |
Problem | 2014 | The Young Astronauts |
Break Free | 2014 | Крис Марс Пилиеро |
Bang Bang | 2014 | Хана Лукс Дејвис |
Don't Be Gone Too Long | 2014 | Крис Браун |
Love Me Harder | 2014 | Хана Лукс Дејвис |
Santa Tell Me | 2014 | Алфредо Флорес/Џонс Кроу |
One Last Time | 2015 | Макс Лендис |
E Più Ti Penso | 2015 | Гаетано Морбиоли |
Focus | 2015 | Хана Лукс Дејвис |
Dangerous Woman | 2016 | The Young Astronauts |
Let Me Love You | 2016 | Грант Сингер/Матијас |
Into You | 2016 | Хана Лукс Дејвис |
Side to Side | 2016 | Хана Лукс Дејвис |
Faith | 2016 | Алан Биби |
Everyday | 2017 | Крис Марс Пилиеро |
Beauty and the Beast | 2017 | Дејв Мајерс |
No Tears Left to Cry | 2018 | Дејв Мајерс |
The light is coming | 2018 | Дејв Мајерс |
God Is a Woman | 2018 | Дејв Мајерс |
breathin | 2018 | Хана Лукс Дејвис |
thank u, next | 2018 | Хана Лукс Дејвис |
7 rings | 2019 | Хана Лукс Дејвис |
break up with your girlfriend, i'm bored | 2019 | Хана Лукс Дејвис |
Rule The World | 2019 | Себастијан Сдаигуи |
in my head | 2019 | Бардиа Зеинали |
boyfriend | 2019 | Хана Лукс Дејвис |
Don't Call Me Angel | 2019 | Хана Лукс-Дејвис |
Rain On Me | 2020 | Роберт Родригес |
positions | 2020 | Дејв Мејерс |
34+35 | 2020 | Дејв Мејерс |
34+35 (remix) | 2021 | Стефан Кохли |
Save Your Tears (Remix) | 2021 | Џек Браун |
It Was A…(Masked Christmas) | 2021 | Дан Опсал |
yes,and? | 2024 | Кристијан Бреслауер |
we can't be friends | 2024 | Кристијан Бреслауер |
the boy is mine | 2024 | Кристијан Бреслауер |
TBA | 2024 | Кристијан Бреслауер |
TBA | 2024 | Кристијан Бреслауер |
Наводи[уреди | уреди извор]
- ↑ Collar, Matt. „Ariana Grande Biography“. AllMusic. Архивирано од изворникот на June 19, 2023. Посетено на May 22, 2010.
- ↑ Sheets, Connor Adams (October 6, 2013). „Who Is Ariana? All About Ariana Grande, Leader of the Arianators“. International Business Times. Архивирано од изворникот на January 10, 2014. Посетено на February 7, 2015.
- ↑ Gonzales, Erica (December 14, 2016). „Ariana Grande Had the Perfect Response When Her Brother Came Out“. Harpers Bazaar. Архивирано од изворникот на December 15, 2016. Посетено на December 14, 2016.
- ↑ Профил на Твитер
- ↑ Празен навод (help)
- ↑ Geggis, Anne (August 31, 2012). „America's Tweetheart: Boca-born singer/actress big on Twitter“. South Florida Sun-Sentinel. Florida. Архивирано од изворникот на August 6, 2018. Посетено на September 13, 2014.
- ↑ Savage, Mark (May 23, 2017). „Ariana Grande: The diva with a heart“. BBC. Архивирано од изворникот на May 24, 2017. Посетено на October 25, 2017.
- ↑ Празен навод (help)
- ↑ „About Ariana Grande“. MTV. Архивирано од изворникот на February 16, 2017. Посетено на August 28, 2014.
- ↑ Празен навод (help)
- ↑ Brantley, Ben (October 6, 2008). „Stranger in Strange Land: The Acne Years“. The New York Times. Архивирано од изворникот на February 9, 2018. Посетено на September 11, 2014.
- ↑ Wyatt, Edward (March 25, 2010). „First the Tween Heart, Now the Soul“. The New York Times. Архивирано од изворникот на June 17, 2012. Посетено на August 30, 2014.
- ↑ Seidman, Robert (March 29, 2010). „Nickelodeon Scores 2nd Biggest "Kids' Choice Awards"; "Victorious" Bows to 5.7 Million“. TV by the Numbers. Архивирано од изворникот на July 11, 2015. Посетено на September 3, 2014.
- ↑ „Ariana Grande, Tamar Braxton Score Top Debuts“. Rap-Up. September 11, 2014. Архивирано од изворникот на June 24, 2019. Посетено на August 29, 2014.
Надворешни врски[уреди | уреди извор]
- Матична страница
- Аријана Гранде — AllMusic (англиски)
- Аријана Гранде на Discogs (англиски)
- Аријана Гранде на Семрежната филмска база на податоци (англиски)
- Аријана Гранде — Internet Broadway Database (англиски)
|
- Телевизиски глумци
- Родени во 1993 година
- Американски пејачи
- Американски поп-пејачки
- Добитници на MTV Europe музички награди
- Добитници на Греми
- Добитници на Британски музички награди
- Американски кантавторки
- Италоамериканци
- Американски пејачки од 21 век
- Американски електронски музичарк
- Пејачи со вокален дијапазон од 4 октави
- Пејачи од Флорида
- Пејачи со попреченост
- Американски денс-поп-музичари
- Сведоци на криминал
- Кабалисти
- Американски телевизиски глумици
- Американски сопрани
- Американски театарски глумици
- Американски глумци со попреченост
- Глумици од Флорида