ФК Рединг

Рединг
Целосно име	Reading Football Club
Прекар	The Royals
Основан	1871
Стадион	Мадејски Стадион Рединг, Англија
Капацитет	24,161
Претседател	Даи Јонге
Менаџер	Пол Клемент
Лига	Чемпионшип лига
2018–19	Чемпионшип лига, 20-ти
Мреж. место	Официјално мрежно место
Домашни бои Гостински бои
Тековна сезона

ФК Рединг (на англиски јазик: Reading Football Club) е англиски фудбалски клуб од градот Рединг.

Клубот е основан во 1871 година и покрај тоа што е еден од најстарите тимови во Англија, тие никогаш не играле во највисокото ниво на англискиот фудбал сè до сезоната 2006-2007. На 25 март 2006 година тие обезбедиле промоција во Премиер лигата и во текот на сезоната 2006-07, тие за првпат се натпреварувале во елитната дивизија на Англија.

Прекарот на Рединг е кралевите, поради фактот што тимот се наоѓа во кралската грофовија Беркшир. Својте домашни натпревари клубот ги игра на стадионот „Мадејски“, кој има капацитет од 24,161 место, и го носи името на поранешниот претседател на клубот Сер Џон Мадејски.

Историја

Рединг бил основан во 1871 година. Во тој момент прекарот на клубот бил бисквитџиите поради светски познатитите производители на бисквити од градот Рединг „Хантли енд Палмерс“. Во 1970-тите на 20 век Рединг добива нов прекар кралевите.

Клубот играл на игралиштето за крикет (1878-1882), па потоа на Коули Парк (1882-1889) и теренот за крикет Каверсам (1889-1896). Во 1895 година клубот станува професионален и на 5 септември 1896 се сели стадионот Елм Парк. По повеќе од еден век, во 1998 година, Рединг започнува да ги игра своите натпревари на новиот нивен стадион Мадејски.

Во 1920 година Рединг е поканен да игра во Третата дивизија на фудбалската лига и долги години се задржува тука со исклучок на неколку сезони. Во сезон 1994-95 клубот е поразен во плеј-офот од Болтон и така станува првиот тим во Првата и Втората дивизија, којшто завршува втор и не успева да се искачи во погорната дивизија. Тоа се случва, поради тоа што во Премиер лигата се намалил бројот на тимовите. Во сезоната 2002-03 Рединг бил многу близу до првата тројка и завршуваат четврти; во плејофот тие се поразени од „Вулверхемптон во полуфиналето.

На 25 март 2006 година Рединг обезбедува промоција во Премиер лигата за први пат во нивната историја. Тие имаа фантастична дебитантска сезона завршвајќи 8-ми на табелата и им недостасуваше само 1 бод да се пласираат во Купот на УЕФА. Во следната сезона тимот настрада од синдромот на втора година, и Рединг завршувајќи како 18 во лигата се врати во Чемпионшип.

Најдоброто постигнување на Рединг во ФА Купот е во сезоната 1926-27, кога тие стигнале до полуфиналето. Во сезоните 2009-2010 и 2010-2011 тимот двапати едноподруго стигаше до четвртфиналето.

Поддржувачи и соперништва

Навивачите на Рединг на натпревар на Елм парк во 1913 година

Во 2001 година, Рединг стана првиот фудбалски клуб кој ги регистрирал своите навивачи како официјални членови на тимот, давајќи им број на "играч", а тоа беше бројот 13 кој во моментов е заземен од страна на Навивачите на Рединг и веројатно уште долго ќе биде зафатен од нив.

Пред да излезат од бизнисот во 1992 година, Олдершот беа најголемите соперници на Рединг. Имено, меѓу навивачките групи на двата тима имало често силен судир, а борбите меѓу навивачите се случувале во неколку наврати. Силните чувства меѓу навивачите на Рединг и навивачите на Олдершот Таун останале, и по исклучувањето на клуб на Олдершот. Со повторното приклучување на Олдершот Таун во лигата во 2008 година, останува да се види дали ова традиционално соперништво ќе биде обновено.

По излегувањето на Олдершот од професионалните дивизии, главни локални соперници на Рединг биле Оксфорд Јунајтед и Свиндон Таун. Кога трите екипи во една сезона се нашле во иста лига, нивното соперништво било наречено како "Дидкот Триаголник".

Играчи

Моментален состав

Бр. Позиција Играч 1 ГМ Вито Маноне 2 ОД Крис Гантер 3 ОД Енди Јиадом 4 ОД Џон О'Шеи 5 ОД Пол Мекшејн 6 ОД Лиам Мур 7 НП Леандро Бакуна 8 СР Дејвид Мејлер 9 НП Сем Балдок 10 НП Џон Свифт 11 ОД Џордан Обита 12 СР Гарат Меклири 14 НП Соне Алуко 15 СР Калум Хариот 16 СР Дејвид Едвардс

Бр. Позиција Играч 17 ОД Моду Бароу 19 СР Џош Симс 20 ОД Тијаго Илори 21 НП Јаку Меите 22 СР Пеле Клемент 23 НП Јон Дади Бодварсон 24 ОД Тајлер Блекет 25 СР Адријан Попа 27 СР Омар Ричардс 28 ГМ Сем Вокер 29 НП Марк МекНалти 31 ГМ Анси Јакола 32 СР Саид Езатолахи 35 СР Енди Риномхота 38 СР Лиам Кели

Надворешни врски

• Матична страница
• Supporters' Trust At Reading
• ФК Рединг на Facebook
• Рединг на soccerway