Черкаси

Черкаси
Черкаси; Черкаси
	Град
Знаме	Грб
	ЧеркасиМестоположба на Черкаси
	Координати: 49°26′40″N 32°03′35″E / 49.44444° СГШ; 32.05972° ИГД
Држава; Област; Реон	Украина; Черкаска област; Черкаски реон
Основан	1284
Управа
• Градоначалник	Сергиj Одариќ
Површина
• Вкупна	69,0 км2 (270 ми2)
Надм. вис.	110 м
Население (2012)
• Вкупно	286.452
• Густина	4.134/км2 (10,710/ми2)
Часовен појас	ЕЕТ (UTC+3)
• Лете (ЛСВ)	ЕЕЅТ (UTC+3)
Поштенски број	18000-18499
Повик. бр.	+380 472
Мреж. место	rada.cherkasy.ua

Черкаси (украински: Черкаси) — град на реката Днепар во централниот дел на Украина. Тој е административен центар на Черкаската област и административен центар на околниот Черкаски реон, во рамките на област. Градот бил основан уште во 13. век, и одиграл важна културно-општествена улога во историјата на Украина. Во тоа време, градот бил претежно населен со Козаци.

Неговата местоположба е отприлика 200 километри јужно од главниот украински град Киев. Бројноста на населението, според последниот попис од 2011 г. е 288 илјади жители. Во месец јуни 2011, Черкаси го прославил својот јубилеен 725 роденден.

Климата во градот е умерено-континентална, со благи зими и жешки лета. Просечната температура во градот на годишно ниво е 7,7 °C. Во јануарскиот период просечната температура на воздухот е -6 °C, додека во лето таа изнесува +20 °C. Најниската измерена температура била -25 °C (што е ретко се случува), додека пак највисоката била +35 °C, забележана во месец јули.

Бројот на население бил најголем во 1990 г. кога Черкаси имал речиси 300 илјади мештани. Оттогаш па наваму, тој број е во постојано опаѓање, што најмногу се должи на високата смртност кај месното население, социо-економската состојба и наглиот процес на урбанизација на местото. Денес, градот има точно 286.037 жители. Најголем дел од населението се Украинци, но исто така се застапени и руското и еврејско малцинство. Според половата припадност, 46,4% се мажи, додека останатите 53,6% се жени. Објавени се и податоци за старосната структура на населението, од кое 19% се лица-пензионери, додека само 15% се деца под 14 години. Овие бројки говорат за нерамномерната застапеност на возрасните групи.

Територијална организација на Черкаси[уреди | уреди извор]

Во градот Черкаси има 2 општини (реони):

Реон	Население	Површина
Приднепаровски реон	142 илјади	25,86 илј. хек.
Сосновски реон	148 илјади	43,14 илј. хек.

Образование[уреди | уреди извор]

Во Черкаси се наоѓаат голем број на универзитети, од кои најголеми се Черкаскиот државен технички универзитет и Черкаскиот национален универзитет „Богдан Хмелницки“.