Фрушка Гора

Фрушка Гора
Фрушка гора
Највисока точка
Надм. вис.	539 м
Име
Прекар	Serbian Mount Athos
Друго име	Фрушка гора
Географија
Фрушка Гора Местоположба во Србија Фрушка Гора на карта
Место	Срем
Матичен венец	Панонски Островски Планини
Геологија
Вид	Планински остров
МСЗП — Категорија II (национален парк)
Национален парк Фрушка Гора
Површина	266,72 km2 (102,98 sq mi)
Воспоставен(а)	1960

Фрушка Гора (унгарски Tarczal, латински Alma Mons) — островска планина и Национален парк во Срем. Најголем дел од Фрушка Гора се наоѓа во Војводина, додека мал дел е во источна Хрватска, Вуковарско-сремската жупанија.

Фрушка Гора се простире во должина од околу 75 км и ширина од 12 до 15 км и зафаќа површина од 255 -{км²}-. Фрушка Гора во 1960 година е прогласена за Национален парк. Највисок врв е Црвени Чот (539 m).

Потекло на името

Името „Фрушка“ потекнува од старословенскиот збор Фруг, синоним за Франките што дава значење на „планина на Франките“.

Природни одлики

Фрушка Гора е островска, стара громадна планина. Највиок врв е Црвени Чот (539 м), а останатите значајни врвови се Стражилово (321 м), Иришки Венац (451 м) и Велики Градац (471 м).

Растителен и животински свет

Долините и падините на Фрушка Гора се покриени со ливади и падини. На падините постојат овоштарници и лозја, а делови поголеми од 300 метри се пораснати со густи листопадни шуми. На Фрушка Гора се наоѓа најголемата концентрација на липи во Европа. Околу 700 видови лековити билки растат на оваа планина. Некои од животинските видови се: срна, елен, муфлон, ласица, дива свиња, куна, дива мачка, шакал, зајак, итн.

Култура

Најзначајниот споменик на културата на Фрушка Гора претставуваат шеснаесетте манастири на српската православна црква, распоредени по целата планина. Подигнати се како оставнина на српските владетели, откако во доцниот среден век под притисок на Турците, тежиштето на српското духовно и културно наследство е поместено на север.