Убавица (пештера)

Убавица
Поглед кон отворот на пештерата
Место	Горна Ѓоновица, Гостиварско
Координати	41°42′8.28″N 20°55′7.32″E
Должина	1.300 м

Убавица или Ѓоновица — пештера на планината Буковиќ, над стариот пат Гостивар - Кичево, во близина на селото Горна Ѓоновица.

Име

Името „Убавица“ е дадено поради изразитиот сталагмит во облик на женска силуета, но и поради големото богатство од разновидни подземни природни украси.Другиот назив на пештерата доаѓа од самата месност, по која се наречени и двете блиски села.

Геморфологија

Пештерата е настаната е вдолж раседна линија, во правец север - југ. Овој расед избива и на површината на Буковиќ, за што сведочи скарстената суводолица која се протега во ист правец. Убавица е ретка со својот раскош, со безбројните фигури од сталактити и сталагмити создавани со илјадници години, неколку галерии, столбови, ишарани тавани, разновиден пештерски накит, канал со вода, езерца, водопад висок седум метри, пет врела и уште облици и во должина од над петстотини метри.

Хидрографија

Во поголемиот дел на пештерата, со исклучок на влезниот канал (85 м), присутен е постојан подземен водотек. За време на пролетните месеци при топењето на снегот и висок водостој, водите од подземниот водотек се излеваат и истекуваат од пештерата течејќи како силна река и поплавувајќи го патот и околината. Покрај многубројните и разновидните пештерски украси со кои изобилува пештерата, особено интересно е последното пештерско проширување (10×13 м), во која се наоѓа подземен водопад висок 5 - 6 метри.

Животински свет

Покрај лилјаците, во пештерата е застапен ендемскиот вид Ceuthophilus bukoviki од семејството на пештерските штурци (Rhaphidophoridae).

Галерија

• 
  Подземниот водотек во внатрешноста на пештерата
• 
  Поглед од внатрешноста кон отворот на пештерата
• 
  Лилјаци во внатрешноста на пештерата
• 
  Во внатрешноста на главниот пештерски ходник
• 
  Пештерски украси - сталагмити
• 
  Пештерски облици на таваницата
• 
  Пештерски облици - столбови

Поврзано

• Буковиќ (планина)
• Пештери во Македонија

Надворешни врски

• „Убавината на пештерата Ѓоновица“. ИДСБ. 28 април 2016. Архивирано од изворникот на 2019-06-14.
• „Пештерата Убавица во гостиварска Ѓоновица ќе стане туристичка атракција“. ММС. 16 август 2018. Архивирано од изворникот на 2020-10-24.
• „Експедиција – Ѓоновица 2015“. Спелеонуркачки клуб „Врело“. 30 септември 2015.
• Пештера Убавица — Mapio
• Виртуелна прошетка низ Убавица