Трета мајка

Трета мајка — музички албум на македонскиот гитарист Влатко Стефановски и американскиот гитарист Мирослав Тадиќ, со учество на бугарскиот музичар Теодосиј Спасов (кој свири на кавал). Албумот е објавен од дискографската куќа „Авалон продукција“, во 2004 година.^[1]

Содржина

Албумот содржи 10 композиции, со вкупно времетраење од 47 минути и две секунди, кои претежно претставуваат инструментални верзии на македонски народни песни:^[1]

Саноќ седам Трено (Sanoc sedam Treno), 3:38
Не си го продавај Кољо... (Ne si go prodavaj Koljo...), 5:43
Море сокол пие (More sokol pie), 6:06
Анадолу ојун хаваси (Anadolu oyun havasi), 3:45
Калеш Анѓо (Kalesh Andjo), 4:33
Касапско оро (Kasapsko oro), 5:09
Опа-иха (Opa-iha), 3:48
Кираџиче, јабанџиче (Kirajdzice, jabandzice), 4:43
Еј ти момче охриѓанче (Ej ti momce ohridjance), 4:29
Елено моме (Eleno mome), 4:22

Технички податоци

Албумот бил сниман во текот на март и април 2004 година, во студиото „Езотерија“, а снимател бил Влатко Стефановски. Уредник на албумот бил Мирослав Тадиќ, а миксер бил Јанез Крижај од Љубљана, Словенија. Фотографиите се дело на: Румен Камилов (на предната страница на албумот), El Gvojos (на задната страница) и Мирослав Тадиќ (на внатрешната страница). Автор на нацртот на обвивката на албумот бил Ладислав Цветковски.^[1]

Критички осврт

Во својот осврт во „Expose Magazine“, Мајк Езо (Mike Ezzo) напишал дека Стефановски и Тадиќ ги опфаќаат сите стилови: џез, рок, блуз и традиционалната музика кои се испреплетуваат во мајсторско и значајно дело, а чудните ритми ги развиваат како да свират 4/4 во сонот. Исто така, тој истакнува дека двајцата гитаристи свират неверојатно брзо при што ги споредува со проектите на Џон Меклафлин и Пако Де Лусија, само што тие се помалку конвенционални, поегзотични, но подеднакво инспиративни. Во приказот објавен во онлајн гитарското списание „Minor 7th“ се наведува дека Стефановски и Тадиќ се емоционално поврзани мајсторски музичари кои создале ремек-дело на границата меѓу класичната, фолкот и прогресивниот акустичен рок. Роберт Дојч (Robert Deutch) од „Stereophile“, исто така, ги нарекува Стефановски и Тадиќ брилијантни музичари, кои се технички совршени и едно со музиката.^[1]

Наводи

↑ ^1,0 ^1,1 ^1,2 ^1,3 Vlatko Stefanovski & Miroslav Tadic featuring Theodosii Spasov, Treta Majka. Avalon, 029, 2004.

Надворешни врски

Трета мајка - критика Архивирано на 17 октомври 2017 г. на мрежното место All about jazz (англиски)

[Treta_majka,_2004-1] 1,0 ^1,1 ^1,2 ^1,3 Vlatko Stefanovski & Miroslav Tadic featuring Theodosii Spasov, Treta Majka. Avalon, 029, 2004.

[1]