Црква „Св. Кирил и Методиј“ - Солун (1981)

Координати: 40°36′42″N 22°57′9″E / 40.61167° СГШ; 22.95250° ИГД / 40.61167; 22.95250
Од Википедија — слободната енциклопедија
За истоимената црква во Солун изградена во XIX век, видете Црква „Св. Кирил и Методиј“ - Солун (1873).
Свети Кирил и Методиј
Αγίων Κυρίλλου και Μεθοδίου
Карта
40°36′42″N 22°57′9″E / 40.61167° СГШ; 22.95250° ИГД / 40.61167; 22.95250
МестоСолун
ЗемјаЕгејска Македонија, Грција
ВероисповедЦариградска патријаршија
Архитектура
Архит. типкрстокуполен храм
Изградба1981 – 1985
Управа
ЕпархијаСолунска

Свети Кирил и Методиј (грчки: Αγίων Κυρίλλου και Μεθοδίου) — црква во градот Солун, Егејска Македонија. Влегува во состав на Солунската епархија на Цариградската патријаршија. Претставува поклонички храм.[1][2]

Храмот се наоѓа во населбата Пирги на улица „Стратигос Калидопулос“ бр. 2 во средината на истоимениот крајбрежен парк. Каменот-темелник е поставен на 17 јуни 1981 г. од митрополитот Пантелејмон II Солунски, а црквата е осветена во март 1983 г. и свечено откриена на 12 мај 1985 г. во присуство на претседателот Христос Сарѕетакис, 13 митрополити и министри. Првично државата доделила градежно место во универзитетскиот кампус близу стадионот „Кафтанзоглио“, каде на 11 мај 1971 г. митрополитот Леонид Солунски и водачот на хунтата Георгиос Пападопулос го поставиле каменот-темелник. Сепак, храмот почнал да се гради на денешното место десет години подоцна.[2]

Градбата претставува голема крстовидна црква со купола. Изградена е по урнек на цариградската црква „Пресв. Богородица Фароска“ од IX век — времето во кое живееле Кирил и Методиј. Во црквата се чуваат мошти на Свети Кирил, испратени во 1976 г. од папата Павле VI на патријархот Димитриј I, а тој пак ги испратил во митрополијата на нивиот роден град. Во храмаот има копија и на иконата на Богородица Вратарница.[2]

Поврзано[уреди | уреди извор]

Наводи[уреди | уреди извор]

  1. ↑ „Άγιοι Κύριλλος & Μεθόδιος“. Ιερά Μητρόπολη Θεσσαλονίκης. Посетено на 21 октомври 2016.
  2. ↑ 2,0 2,1 2,2 Τερμεντζόγλου, Γεώργιος Κ (2013). Εγκαίνια νεότερων ναών της Θεσσαλονίκης (1912-2011) (PDF). Θεσσαλονίκη: Αριστοτέλειο Πανεπιστήμιο Θεσσαλονίκης, Θεολογική Σχολή, Τμήμα Ποιμαντικής και Κοινωνικής Θεολογίας. стр. 77.

Надворешни врски[уреди | уреди извор]

Преземено од „https://mk.wikipedia.org/w/index.php?title=Црква_„Св._Кирил_и_Методиј“_-_Солун_(1981)&oldid=4812726“