Хесиш Олдендорф (германски: Hessisch Oldendorf; нарекуван и „Хесенски Олдендорф“) — град во округот Хамелн-Пирмонт, во сојузната покраина Долна Саксонија, Германија. Се наоѓа на реката Везер, околу 10 километри северозападно од Хамелн. Придавката „хесиш“ („хесенски“) се користи од 1905 година, за да го разликува од другите градови именувани Олдендорф. Хесиш Олдендорф бил дел од Ландгрофовијата Хесен-Касел од 1640 до 1932 година.
Хесиш Олдендорф се наоѓа 13 километри северозападно од градот Хамелн на Везер. Низ градот покрај велосипедската патека покрај Везер поминува и „германскиот пат на бајките“.