Свети Стефан

Од Википедија — слободната енциклопедија
Икона на Свети Стефан. XVII век

Свети Стефан, наречен Првомаченик (I век — околу 36) — првиот христијански маченик.

Животопис[уреди | уреди извор]

Според делата на апостолите, тој бил Евреин роден во странство, кој живеел во Ерусалим и кој ѝ се придружил на црквата многу млад. Тој бил еден од седумте ѓакони назначени од апостолите да се грижат за старите жени, вдовиците и сирачињата. Како хеленизиран Евреин жестоко се противел на јудаистичкиот култ на храмовите. Поради тоа што го искажувал своето противење, бил изведен пред Синедрионот. Неговото бранење на христијанството толку ги разбеснило неговите сослушувачи што бил осуден на смрт со каменување. Еден од тие кои се согласиле со погубувањето бил Саул од Тарс (наречен Свети Павле по неговото преобраќање).[1]

Свети Стефан како мотив во уметноста и во популарната култура[уреди | уреди извор]

  • „Св. Стефан“ — слика на италијанскиот сликар Џото (меѓу 1330 и 1335 година).
  • „Проповедта на св. Стефан“ — слика на италијанскиот сликар Виторе Карпачо од 1514 година.
  • „Каменувањето на св. Стефан“ — слика на германскиот сликар Ханс Балдунг од 1522 година.
  • „Каменувањето на св. Стефан“ — слика на грчкиот сликар Михаел Дамаскинос (околу 1591 година).
  • „Мачењето на св. Стефан“ — слика на италијанскиот сликар Анибале Карачи (околу 1603-1604 година).
  • „Каменувањето на св. Стефан“ — слика на холандскиот сликар Рембрант од 1625 година.
  • „Каменувањето на св. Стефан“ — слика нагрчкиот сликар Филотеос Скуфос (меѓу 1645 и 1685 година).
  • „Св. Стефан“ (англиски: St. Stephen) — песна на американската рок-група Грејтфул дед (Grateful Dead) од 1969 година.[2]

Наводи[уреди | уреди извор]

  1. Британика Енциклопедиски Речник. Топер, МПМ, 2005, Книга 8, стр. 178
  2. Grateful Dead* – Aoxomoxoa (пристапено на 7.2.2023)