Начертание
| Странски пропаганди во Македонија |
|---|
|
Начертание (српски: Начертаније = нацрт) — поранешна тајна програмата за надворешната и националната политика на Србија,[1] која кон крајот на 1844 година ја напишал министерот за внатрешни работи Илија Грашанин (1812-1874) за кнезот Александар Караѓорѓевиќ (1842-1858).[2] За првпат оваа програма во целост била објавена во 1906 година.
Според Начертание, Србија треба да работи на ослободување на Србите и другите Словени и припојување на површина од Босна, Херцеговина, Црна Гора и Северна Албанија (што значи Косово и Метохија)[3] кои тогаш се наоѓаат во рамките на Отоманското Царство, како и Срем, Бачка и Банат, тогаш дел од Австроунгарија. Основната дејност на српската пропаганда според овој документ треба да се заснова на подготовка на населението на овие области на заедницата со Србија.[2] Според Грашанин Србија има „историческо свето право“ на овие земји, кое се темели на царството српскиот цар Душан од XIV век.