Марјан Додовски

Марјан Додовски (19 јуни 1966 во Скопје - 3 јануари 2022 во Скопје) — македонски политичар и поранешен министер за животна средина и просторно планирање.

Животопис

Образование:

• Природно-математички факултет, Институт за географија, Универзитет “Св. Кирил и Методиј” Скопје;

Магистер на географски науки-туризмолог. Магистерски труд “Природното богатство на Република Македонија како услов за развој на туризмот” - Природно-Математички Факултет-Скопје на Институт за географија, насока Географски основи на планирањето на туризмот. - 2004 година

Професионален и политички ангажман

• Пратеник во Собранието на Република Македонија 2006-2008 година
• Претседател на собраниската комисија за земјоделство, шумарство и водостопанство
• Раководител на секторот за заштита на животната средина и природата во Град Скопје. 2005- 2006 година
• Член на Советот на Град Скопје. 2005 година
• Министер за животна средина и просторно планирање и заменик министер за животна средина и просторно планирање. Влада на РМ-1998-2002 година
• Реализација на Проектот за Спас на Дојранското Езеро
• Професор по географија во О.У. “Крсте П. Мисирков”- Скопје1996-1997 година
• Генерален секретар на Движењето на екологистите на Македонија-ДЕМ, 1997-1998 година
• Секретар на Движењето на екологистите на Македонија-ДЕМ, 1995 - 1997 година
• Член на претседателството на Еколошко Друштво “Опстанок” - Скопје, 1994 година
• Колумнист во дневни, неделни и месечни весници;
• Аматерски активности во ликовната уметност- правец интарзија.
• Автор на книгата Дојранско Езеро Од агонија до живот

Партиски ангажман

• Член на ВМРО-ДПМНЕ од 1990 година;
• Член на ИК на ВМРО-ДПМНЕ од февруари 2003 година;
• Претседател на Комисија за животна средина, локална самоуправа и невладини организации
• Регионален координатор на ИЕ 5 и ИЕ 3
• Член на ИК на ВМРО-Народна Партија од 2004 година
• Претседател на ВМРО-Народна партија, избран на 14 Конгрес на партијата кој се одржа на 23 октомври 2009 година во Скопје.
• В.Д. претседател на ВМРО-Народна партија од 27 декември 2008 година. Избран на Седница на Централен Комитет на партијата во Штип.
• Член на ВМРО-ДПМНЕ од 01.02.2012 година

Смрт

Додовски починал во Скопје поради компликации со коронавирусот на 2 јануари 2022 година.