Договор од Ајналикавак

Договор од Ајналикавак

1779
Тип	Commercial treaty
Потпишан	10 март 1779
Место	Истанбул
Странки	Руска Империја Османлиско Царство
Јазици	руски, отомански

Договорот од Ајналикавак се однесува на договор меѓу Османлиското Царство и Руската Империја склучен на 10 март 1779 година. Името Ајналикавак се однесува на местото каде бил потпишан договорот односно во палата Ајналикавак во Истанбул

Османлиите ја изгубиле контролата над Кримското ханство по Кучуккајнарџискиот договор во јули 1774 година. Кримскиот хан Девлет Гирај апелирал до османлиските власти да биде обновена зависноста на неговата земја од Османлиите, но руската влада се вмешала и го принудила да абдицира од престолот. На негово место бил поставен Шихин Гирај како послушник на Русија. На тој начин Османлиите руската интервенција на Крим ја прогласиле против условите од Кучуккајнарџискиот договор. Како посредник дејствувал францускиот амбасадор и двете империи се согласиле на потпишување нов договор според кој биле ратификувани условите од Кучуккајнарџискиот договор, двете империи ветиле дека нема да се мешат во Крим, Русија ветила дека ќе ги повлече своите сили од ханството, а Османлиите го признале Шахин Гирај како хан.