Ден за обука
Ден за обука е американски филм од 2001 година (во жанрот криминалистичка драма), во режија на Антоан Фукуа. Главните улоги ги толкуваат: Итан Хоук и Дензел Вашингтон. За својата улога, Вашингтон ја освоил наградата „Оскар“ за најдобра машка улога, а Хоук бил номиниран во категоријата „најдобра споредна улога“.
Содржина[уреди | уреди извор]
На својот прв работен ден како полицаец во одделот за наркотици во Лос Ангелес, младиот Хојт (го игра Хоук) поминува 24-часовна обука под водство на неговиот постар колега, искусниот детектив Херис (го игра Вашингтон). Во текот на обуката, Хојт полека сфаќа дека Херис не е онаков како што изгледа на прв поглед, а неговите методи на работа се морално неправилни.[1] [2]