Гордана Јанкулоска

Од Википедија — слободната енциклопедија
Гордана Јанкулоска
Министер за внатрешни работи
На должноста
26 август 2006 – 12 мај 2015
Премиер Никола Груевски
Претходник Љубомир Михајловски
Наследник Митко Чавков
Лични податоци
Роден(а) 12 октомври 1975
Охрид, СР Македонија
Националност Македонка
Партија ВМРО-ДПМНЕ
Вероисповед Православен христијанин

Гордана Јанкулоска (12 октомври 1975 во Охрид) — поранешен министер за внатрешни работи на Република Македонија. На функцијата стапила на 27 август 2006 и ја извршувала до 12 мај 2015, кога поднела оставка.[1]

Образование[уреди | уреди извор]

Дипломирала на правниот факултет на универзитетот „Св.Кирил и Методиј” во Скопје, а магистрира на Кентскиот универзитет, Кантербери, Велика Британија со диплома од највисок ранг (LLM, awarded with distinction), на насоката меѓународно деловно право, на тема: „Нормативните ризици и странските инвестиции”. Во јули 2004 год, UKC-Kent Law School, UK ѝ доделува Награда за посебни достигнувања во областа на правото.

Работно искуство[уреди | уреди извор]

Јанкулоска има работно искуство во различни сегменти на финансии, комбинирано со соработка со меѓународни институции, од повеќе позиции во Министерството за финансии на Република Македонија: Државен советник, (координатор на секторот за правни, општи и сметководствени работи, управата за имотно правни работи, одделението за одлучување во втор степен во управна постапка од областа на даноци и царини; секторот за управување со капиталот; секторот за информатика и дирекцијата за спречување на перење на пари) ; шеф на кабинетот на министерот; началник на одделение и самостоен советник во секторот за меѓународни финансии.

Учесник е на бројни обуки, семинари и дебати од областа на финасии, право, проектен менаџмент и евалуација на проекти на национално и меѓународно ниво, како и во повеќе тимови за изработката на закони и реализација на проекти во сферата на Реформата на платениот промет, имплементација на фискални машини во Република Македонија. Одлично го говори англискиот јазик и има основни познавања на албанскиот и германскиот јазик.

Други функции[уреди | уреди извор]

Јанкулоска исто така е претседател на Управните одбори на Национална Платежна Картичка А.Д. – Скопје и на Централниот Регистар ; член на управниот одбор на „Center of Excellence in Finance” – Љубљана ; претседател на комисија за денационализација и член на Советот за денационализација;

Наводи[уреди | уреди извор]

  1. „архивски примерок“. Архивирано од изворникот на 2015-05-14. Посетено на 2015-05-12.
Политички функции
Претходник
Љубомир Михајловски
Министер за внатрешни работи на Македонија
2006–2015
Наследник
Митко Чавков