Врбник или Врник (албански: Verniku/Vërnik, грчки: Βερνίκι; Верники) — македонско село во општината Девол од Горичката област, југоисточна Албанија. Важи за најисточна точка на државата, и спаѓа во историско-географската област Корешта, која целосно се наоѓа во западна Егејска Македонија, освен ова село кое се нашло во Албанија со поделбата на Македонија.
Селото се наоѓа недалеку од општинскиот центар, градот Билишта и на околу 40 километри северозападно од Костур (Грција), на околу 50 километри од Лерин (Грција), на 80 километри јужно од Охрид и на околу 30 километри источно од Корча. На околу 10 километри северно од селото се наоѓа Малото Преспанско Езеро и Мала Преспа.