Бутурица

Од Википедија — слободната енциклопедија
Бутурица
Местоположба
Физички особености
УстиеГрадок, Црна Река
 • надм. вис.
334
Должина20
Особености на сливот

Бутурица — река во Македонија која тече во областа Мариово, десна притока на Црна Река. Долга е 20 километри со опфатено сливно подрачје од 102 км2[1]. Извира на планината Козјак во месноста Влашки Колиби на надморска височина од 1600 метри во непосредна близина на извориштето на реката Блашница и во својот горен тек го носи името Витолишка Река[1]. Во Црна се влева кај местото Градок на кота од 344 метри. Протекува низ неколку тесници како во Лозаница под селото Витолиште и низводно од селото Мелница[1]. Просечниот пад во надложниот профил изнесува 62,8 ‰ (промили)[1]. По селото Мелница навлегува во клисурест предел каде што на многу места по течението се создаваат вирови со длабочина и до 2 метри. Долното течение на Бутурица особено на потегот од етно-ресторанот „Мариово“ па сѐ до нејзиниот влив во Црна Река е доста богат со риба, при што тука може да се најдат и поголеми парчиња на пастрмка. Водостопанскиот потенцијал и можности на реката воопшто не се искористуваат, со оглед на фактот што по нејзиното течение не постои развиено земјоделско производство поради слабата населеност.

Галерија[уреди | уреди извор]

Наводи[уреди | уреди извор]

  1. 1,0 1,1 1,2 1,3 Стојмилов, Александар (2011). Географија на Република Македонија. Скопје: Универзитет за туризам и менаџмент. стр. 183.