Бугарска азбука

Од Википедија — слободната енциклопедија

Бугарската азбука (буг. българскa азбука) е официјалната азбука за запишување на бугарскиот јазик. Азбуката е заснована на кирилицата и во денешниот современ облик постои од 1945 година и се состои од 30 букви. Современата бугарска азбука води потекло од руската граѓанска азбука.

Историја[уреди | уреди извор]

До 1870 година азбуката од 32 букви предложена од Марин Дринов станала најзастапена.

Под влијание на печатените книги од Русија, руското граѓанско писмо на Петар I го заменило старословенското писмо на крајот од XVIII век. Неколку кирилски азбуки со од 28 до 44 букви биле користени во почетокот и до средината на 19-от век за време на обидите за стандардизирање на современиот бугарски книжевен јазик. Азбуката со 32 букви предложена од Марин Дринов била прифатена во 1878-1879.

По правописната реформа од 1945 година сегашната бугарска азбука има 30 букви. Тогаш биле исфрлени буквите Ѣ и Ѫ. Буквата јат (ѣ) била заменета со я, е или поретко а, а големиот јус (Ѫ) бил заменет со ъ или поретко со а.

Букви[уреди | уреди извор]

Бугарска азбука
Буква Назив со
мак. изгов.
Макед.
транскр.
МФА
А   а а (а) а /a/
Б   б бъ (бе) б /b/
В   в въ (ве) в /v/
Г   г гъ (ге) г /g/
Д   д дъ (де) д /d/
Е   е е (е) е /ɛ/
Ж   ж жъ (же) ж /ʒ/
З   з зъ (зе) з /z/
И   и и (и) и /i/
Й   й и кратко (и кратко) ј /j/
К   к къ (ка) к /k/
Л   л лъ (ел) л /l/
М   м мъ (ем) м /m/
Н   н нъ (ен) н /n/
О   о о (о) о /o/
П   п пъ (пе) п /p/
Р   р ръ (ер) р /r/
С   с съ (ес) с /s/
Т   т тъ (те) т /t/
У   у у (у) у /u/
Ф   ф фъ (еф) ф /f/
Х   х хъ (ха) х /x/
Ц   ц цъ (це) ц /ts/
Ч   ч чъ (че) ч /tʃ/
Ш   ш шъ (ша) ш /ʃ/
Щ   щ щъ (шта) шт /ʃt/
Ъ   ъ ер голям (тврд знак) ' /ɤ/
Ь   ь ер малък (мек знак) ј /ʲ/
Ю   ю ю (ју) ју /ju/, /ʲu/
Я   я я (ја) ја /ja/, /ʲa/

Поврзано[уреди | уреди извор]

Надворешни врски[уреди | уреди извор]