Борис Марков

Борис Марков (Отуње, Тетовско, 1923) — македонски славист, универзитетски професор на Филозофскиот и Филолошкиот факултет во Скопје по граматика и историја на рускиот јазик.

Животопис

Марков е роден во тетовското село Отуње во 1923 година. Тој бил долгогодишен шеф на Катедрата за славистика и декан на Филолошкиот факултет (1983–1985). Во 1960 година ја одбранил докторската дисертација „Продуктивни именски наставки во македонскиот јазик“.

Библиографија

Автор е на околу 200 научни трудови за зборообразувањето и лексиката на македонскиот и рускиот јазик во споредба со други словенски и балкански јазици, како и на книгата „Образување на придавките во македонскиот јазик“ (1988).