Алигаторовидни

Алигатори и кајмани; Период: креда - денес
	Американски алигатор
Научна класификација
Царство:	Животни
Колено:	Хордати
Класа:	Влекачи
Ред:	Crocodilia
Семејство:	Alligatoridae; Gray, 1844
Преживени родови
	Alligator ; Caiman ; Melanosuchus ; Paleosuchus

Алигаторовидните (науч. Alligatoridae) е семејство што опфаќа повеќе видови на алигатори и кајмани, кои се крокодиловидни влекачи. Овие животни се среќаваат само во Северна и Јужна Америка.

Вистински алигатори (Alligatorinae)[уреди | уреди извор]

Вистинските алигатори живееле во Европа од периодот креда до плиоцен, кога изумреле. Денес, постојат само два преживеани вида на вистински алигатори, Alligator mississippiensis кој живее на југоистокот на САД и расте до 4,25 метри и достигнува тежина до 454 килограми ^[1] (со најголема регистрирана единка од 5,81 метар), и малиот Alligator sinensis кој живее во реката Јангцекјанг во Кина и достигнува должина од 1,5 метри. Името алигатори е настанато од шпанскиот збор el lagarto, што значи „гуштер“.

Кајмани (Caimaninae)[уреди | уреди извор]

Во централна и јужна Америка живеат 5 вида од фамилијата Alligatoridae, кои припаѓаат на потсемејството Caimaninae. Овие животни се разликуваат од вистинските алигатори по отсуството на коскен септум помеѓу ноздрите, како и по оклопот на стомакот кој е оставен од коскени плочки кои се преклопуваат, а секоја од овие плочки е составена од два дела споени со шев. Ова потсемејство се дели на три рода. Кајманите се поподвижни од алигаторите и по движењето повеќе наликуваат на крокодилите, исто така тие имаат и многу подолги и поостри заби од алигаторите ^[2].

Очилниот каман е најраспространет, со живеалишта од јужно Мексико па сè до северната половина на Аргентина. Расте до должина од 2,2 метри. Најголем претставник на ова потсемејство е црниот кајман од Амазон. Овие кајмани растат и до 5 метри ^[3], а најголемата регистрирана единка била долга 5,79 метри. Црниот кајман и американскиот алигатор се единствените членови на фамилијата Alligatoridae кои претставуваат опасност а човекот.

Иако кајманите не се целосно проучени, се смета дека циклусите на парење за кои претходно се мислело дека се спонтани или годишни, всушност се поврзани со врнежите од дожд и нивото на реките со цел да се зголемат шансите за преживување на младите кајмани.

Разлики со крокодилите[уреди | уреди извор]

Алигаторите се разликуваат од крокодилите најмногу по пошироката и пократка глава со потапа муцка, по четвртиот заб на долната вилица кој кога е затворена устата не влегува во засек туку во посебно вдлабнување на горната вилица. Алигаторите немаат шилести реси кои ги среќаваме на задните нозе и стапалата на крокодилите, исто така прстите на задните нозе се со пловнакожичка само до половината на прстите. Алигаторите претпочитаат слатки води, и не се многу толерантни на солена вода, за разлика од крокодилите кои имаат специјализирани жлезди за филтрирање на вишокот сол од организмот. Генерално, крокодилите се многу поопасни и поагресивни кон човекот отколку алигаторите.