Адмет

Адмет (јаз-гр|Ἄδμητος, неприпитомен, див) во старогрчка митологија бил син на Ферет, кралот и оснoвач на Фере во Тесалија и на Периклимена или Климен, братот на Ликург.

Митологија

Според Аполодорот, бил еден од ловците на Калидонскиот вепар и учествувал во походот на Аргонаути. Опишан е како праведен и гостољубив човек, кој поседувал убави говеда. Таа стока морал да ја чува Аполон, затоа што го убил киклопи или питон (митологија). Адмет бил добар домаќин на Аполон и му подигнал светилиште кај Фарсала. Затоа Аполон му помогнал да ја добие раката на Алекастина, Пелиината ќерка. Имено, кога Адмет го наследил неговиот татко на престолот, посакал да се ожени со убавата Алкеста, но нејзиниот татко поставил услов дека може да ја земе за жена само оној кој успее да впрегне лав и дива свиња во ист јарем. Тоа му успеало со Аполонова помош и тој навистина се оженил со Алкеста, но, на денот на венчавката заборавил да принесе жртва на божицата Артемида. Тоа го предизвикал бесот кај божицата и таа во лажницата ставила две змии, како знак дека за брзо време ќе умре. Аполон сакал тоа да го спречи и изнудил од мојра ветување дека Адмет нема да умре ако некој на негово место, со своја волја појде во смрт. Меѓутоа, никој не бил спремен да го направи тоа, па ни неговите остарени родители. Поради тоа неговата сопруга, Алкеста, се жртвувала за него. Сепак, таа од Подземјето била вратена и од таму ја вратил или Херакле, кој му бил пријател на Адмет или Персефона, божица на Подземјето. Адмет и Алкеста имале син Еумел и ќерка Перимела.