Автопат

Автопатот — сувоземен пат од највисока класа што служи за движење на моторни возила. Автопатот е направен така што возилата може да се движат со поголема брзина во споредба со двонасочните неразделени патишта. Автопатот се јавува под следниве имиња: (германски: Autobahn, англиски:highway/motorway/freeway, француски: autoroute, италијански: autostrada, шпански: autopista/autovia, итн.

Опис

Клучка на два автопати во Вајоминг, Мичиген

На автопатиштата, ограничувањето на брзината обично изнесува до 130 км/ч, во зависност од теренот, интезитетот на сообраќајот, квалитетот на подлогата, временските услови итн. Но, во некои држави, како на пример во Германија, на автопатот дури и нема ограничување во брзите ленти.

Првите автопатишта се изградени во Италија и САД во дваесеттите години на XX век, а во Германија е изграден првиот 30-километарски автопат во 1932 година.

Автопат во Германија

Автопатиштата во Македонија

Податотека:Skopje ring road.jpg

Обиколница на автопатот кај Скопје

Во Македонија, првиот автопат (делницата кај Петровец) е изградена за време на СФР Југославија во 1979 година (Видете: Автопатишта во Македонија).

Автопатот како тема во уметноста и во популарната култура

• „Автопатот 5“ (англиски: Highway 5) — песна на американската рок-група American Music Club од 1988 година.
• „Тажниот автопат“ (англиски: Blue Highway) — песна на британскиот рок-музичар Billy Idol од 1983 година.
• „Автопат до пеколот“ (англиски: Highway To Hell) - песна од истоимениот албум на австралиската рок-група АЦ ДЦ (AC DC) од 1979 година.
• „Изгубен автопат“ (англиски: Lost highway) - песна на американскиот кантри-музичар Хенк Вилијамс.
• „Дух на автопатот“ (англиски: Ghost On The Highway) — песна на американската рок-група The Gun Club од 1981 година.
• „Клуч за автопатот“ (англиски: Key To The Highway)“ - песна на блуз-рок групата Derek and the Dominos од 1970 година.
• „Навраќање на автопатот 61“ (англиски: Highway 61 Revisited) - песна од истоимениот албум на американскиот рок-музичар Боб Дилан од 1965 година.
• „Ѕвезда на автопатот“ (англиски: Highway Star) - песна на англиската хард-рок група Дип Парпл (Deep Purple) од 1972 година.
• „Кралица на автопатот“ (англиски: Queen Of The Highway) - песна на американската рок-група Дорс (The Doors) од 1970 година.
• „Автопатот Хилбили“ (снглиски: Hillbilly Highway) - песна на американскиот рок-музичар Стив Ерл (Steve Earle) од 1986 година.
• „Автопатот 74“ (англиски: Hwy 74) - песна на американската рок-група Kyuss од 1991 година.
• „Автопат“ (германски: Autobahn) - песна од истоимениот албум на германската електронска група Крафтверк (Kraftwerk) од 1974 година.
• „Автопат“ (српски: Аутопут) - песна на македонската рок-група Леб и сол од 1987 година.
• „Изгубен автопат“ (англиски: Lost Highway) — песна на британската рок-група Меконс (Mekons) од 1985 година.
• „Тажниот автопат“ (Blue Highway) - песна на американскиот рок-музичар Греам Паркер (Graham Parker) од 1988 година.
• „Автопатот по тихоокеанскиот брег“ (Pacific Coast Highway) - песна на американската рок-група Соник Јут (Sonic Youth) од 1987 година.
• „Судар на автопатот“ (Wreck On The Highway)“ - песна на американскиот рок-пејач Брус Спрингстин од 1980 година.
• „Полицаец на автопатот“ (Highway Patrolman) - песна на американскиот рок-музичар Брус Спрингстин (Bruce Springsteen) од 1982 година.