Њуфаундлендер е раса на куче. Една од првите намени на ова куче било влечење на тежок товар, иако главна улога имаат при работа во близина на вода. Им помагале на рибарите при извлекување на мрежата од морето, и работејќи ја оваа работа се покажале како одлични чувари во вода и дошол до израз нивниот инстинкт како спасител. Во овие услови се оформил карактерот на оваа раса и луѓето со воодушевување го одгледувале ова благородно, храбро и интелегентно куче. Неговиот инстинкт на спасител треба да се насочува преку обука за да може да сфати дека секое капење не е и давење.[1]
Поради својот урамнотежен и стабилен карактер, идеален е како семејно куче. Без проблем може да живее со други кучиња, па и со мали раси кон кои е посебно нежен и внимателен. Њуфаундлендерот е најсреќен во близина на својот господар и многу тешко ги поднесува дури и најкратките одвојувања. Англиската раса њуфаундлендери се големи кучиња со потекло од островот Њу Фаундленд. Служат за спасување на давеници и се одлични чувари.[2]
