Џон Дауленд

Податотека:Dowland.png

Џон Доуленд

Џон Доуленд (1563 – 20 февруари, 1626) е англиски, а можеби родум ирски композитор, пејач и лејтист. Денес тој е најпознат по неговата песна Течете, солзи мои („Flow, my tears“).

За неговиот ран живот многу малку се знае, но се мисли дека е роден во Лондон или можеби во Даблин. Се знае дека отишол во Париз во 1580 каде бил во служба на амбасадорот на францускиот двор. Доуленд тогаш станал римокатолик, што тој сметал дека го довело до недобивањето на фукнција на протестантскиот двор на Елизабета I. Меѓутоа, тој никому не му имал кажано за својата вероисповест. Наместо таму, тој работел на дворот на Кристијан IV во Данска. Доуленд се вратил во Англија во 1606 и во 1612 се вработил како еден од лејтистите на Џејмс I. Починал во Лондон.

Најголемиот дел од Доулендовата музика е за неговиот сопствен инструмент, лејтата. Тука се вбројуваат неколку книги со музика за соло лејта, лејтски песни (за еден глас и лејта), делумни песни со придружба на лејта и неколку дела за конзорциум од ножна виола и лејта. Неговото најпознато дела е лејтската песна Течете, солзи мои („Flow My Tears“), чиј прв стих оди вака:

Flow, my teares, fall from youre springs,

Exiled for ever, let mee mourn

Where night's black bird hir sad infamy sings,

There let mee live forlorn.

Подоцна Доуленд го компонира неговото најпознато инструментално дело, Солзи („Lachrimae“ или „Seaven Teares Figured in Seaven Passionate Pavans“), збирка од седум за пет ножни виоли (да гамба) и лејта, секоја од нив базирана на Течете, солзи мои. Во своето време ова станало едно од најпознатите конзорциумски дела. Неговата павана, Стари солзи („Lachrymae antiquae“) исто така била меѓу големите хитови на 17-тиот век.

Доулендовата музика често се подликува со меланхолија која била модерна во музиката во тоа време. Тој има компонирано едно конзорциумско дело со наслов Semper Dowland, semper dolens (секогаш Доуленд, секогаш тажен), кој накратко го опишува духот на речиси целиот негов опус.

Доулендовата песна, Дојди длабок соне, ликот на вистинската смрт („Come Heavy Sleepe, the Image of True Death“), служела како инспирација за Бенџамин Бритеновото Ноктурно по Џон Доуленд за гитара (Nocturnal after John Dowland for guitar), компонирано во 1964 за гитаристот Џулијан Брим. Ова дело се состои од осум варијации, сите врз база на таа песна или придружбата за лејта, конечно завршувајќи со гитарска изведба на самата песна.

Медија

Галијардата на грофот од Екекс (The Earl of Essex Galliard)

инструментална за лејта

Жабјата галијарда (The Frog Galliard)

инструментална за лејта

Може ли таа да ми прости (Can She Excuse)

консорт со пеење

• Не можете да ја чуете снимката? Видете помош со снимки.

Видете исто така

• Консорт
• Галијарда
• Павана
• Елизабетанска музика
• Ренесансна музика