Сао Томе и Принсипе

Демократска Република Сао Томе и Принсипе República Democrática de São Tomé e Príncipe
Знаме
Химна: Independência total
Местоположба на Сао Томе и Принсипе
Главен град		Сао Томе 0°20′N 6°44′E
Најголем град		главниот град
Службен јазик		португалски
Признаени регионални јазици		Форо, анголар, принсипенски
Уредување		демократска полу-претседателска република
•	Претседател	Фрадик де Менезес
•	Премиер	Жоакин Рафаел Бранко
Независност		од Португалија
•	датум	12 јули 1975
Површина
•	Вкупна	964 км2 (183-та)
•	Вода (%)	0
Население
•	проценка за 2005 г.	157,000 (188-ма)
•	Густина	171 жит/км2 (65-та)
БДП (ПКМ)		проценка за 2007 г.
•	Вкупен	$259 милиони
•	По жител	$1,643
БДП (номинален)		проценка за 2007 г.
•	Вкупно	$145 милиони
•	По жител	$922
ИЧР (2007)		▲ 0.654  · 123-та
Валута		Добра (STD)
Часовен појас		UTC (UTC+0)
Се вози на		десно
НДД		.st
Повик. бр.		239

Сао Томе и Принсипе, официјално Демократска Република Сао Томе и Принсипе, е островска нација во Африка, во центарот на Гвинејски Залив. Државата се состои од два острови: Принсипе и Сао Томе, разделени меѓу себе 140 км, а додека од брегот на Африка се оддалечени 250 односно 225 км. Двата острови се состојат од венец на изумрени вулкански острови. Сао Томе, поголемиот остров, се наоѓа северно од екваторот и го добил името по Свети Тома, поради тоа што Португалците пристигнале за прв пат на островот на самиот ден Св. Тома. Сао Томе и Принсипе е втората најмала земја во Африка, во поглед на населението. Исто така, таа е најмалата земја каде се зборува португалски јазик.

Историја

Главна статија: Историја на Сао Томе и Принсипе

Островите Сао Томе и Принсипе биле ненаселени пред доаѓањето на португалците во околу 1470-та година. Островите биле откриени од Жоао де Сантарем и Педро Ескобар. Португалските морепловци го истражиле островот и одлучиле да останат таму бидејќи биле на добра местоположба.

Географија и клима

Главна статија: Географија на Сао Томе и Принсипе

Карта на Сао Томе и Принсипе

Островите Сао Томе и Принсипе се наоѓаат во Алтантскиот Океан на околу 300 и 250 километри оддалеченост од Габон и воедно е втора најмала држава во Африка. Двата острова се дел од камерунската вулканска линија.

Сао Томе е 50 километри долг и 32 километри широк и повеќе е планински одошто Принсипе. Највисокиот врв во Сао Томе е 2.024 метри. Принсипе е долг 30 километри и 6 километри широк.

Климата во Сао Томе и Принсипе е тропска и топла со просечна годишна темепература од 27 °C. Температурата ретко се подига над 32 степен. Ноќите се поладни. Дождната сезона во Сао Томе и Принсипе е од октомври до мај.

Политички систем

Главна статија: Географија на Сао Томе и Принсипе

Сао Томе и Принсипе е повеќепартиско општество од 1990 година. Претседателот на Сао Томе и Принсипе се избира за мандат од пет години. Еден претседател може да се кандидира за два мандата. Премиерот се избора од страна на претседателот, а додека четиринаесетчлениот кабинет се избира од страна на премиерот.

Националното собрание е составено од 55 членови, кои се избрани за четиригодишен мандат. Судската власт во Сао Томе и Принсипе е независна.

Административна поделба

Главни статии: Покраини на Сао Томе и Принсипе и Области на Сао Томе и Принсипе

Сао Томе и Принсипе е поделен на две покраини: Принсипе и Сао Томе.

Покраините понатака се поделени на седум области, од кои шест се на островот Сао Томе и една на островот Принсипе. Принсипе има самоуправувачка влада од 29 април 1995.

Економија

Главна статија: Економија на Сао Томе и Принсипе

Пазар во Сао Томе

Од 1800-тите, економијата на Сао Томе и Принсипе била базирана на земјоделието. Кога државата се обидувала да стекне независност, португалските поседи на плантажите заземале околу 90% од обработливата земја. После независноста, контролата над поседите потпаднала во рацете на повеќе земјоделски компании. Главна суровина за извоз на Сао Томе и Принсипе е какаото и зазема околу 95% од вкупниот извоз.

Население, јазик и религија

Главна статија: Демографија на Сао Томе и Принсипе

Деца во Сао Томе и Принсипе.

Вкупното население на Сао Томе и Принсипе е 138.500, од кои 137.500 живеат на Сао Томе, а додека 6.000 жители има на Принсипе. Сите се потомци на различни етнички групи, па така досега се забележани:

• Местици - мешано население,
• Анголци - доселеници од Ангола,
• Serviçais - работници од различни африкански држави,
• Тонги - деца на работници од различни држави,
• Европејци, особено португалци, и
• азијци

Иако Сао Томе и Принсипе е мала држава таа има четори национални јазици: португалски јазик (официјален), португалски креолски јазик, форо јазик, анголски јазик и принсипенски јазик.

Скоро цело население на Сао Томе и Принсипе се христијани, поточно католици и протестанти.

Култура

Главна статија: Култура во Сао Томе и Принсипе

Културата во Сао Томе и Принсипе е мешавина на африкански и европски елементи.

Сао Томе е познат по усуата, додека Принсипе по деша ритамот. Чилоли е музички танц кој изразува праматична приказна.

Видете исто така

• Африка
• Сао Томе

Надворешни врски

Влада

• Претседател на Сао Томе и Принсипе
• Национално собрание на Сао Томе и Принсипе
• Национален институт за статистика
• Централна банка на Сао Томе и Принсипе
• Кабинет и шеф на државата

Општо

• Профил на BBC
• „Светска книга на факти“ на ЦИА — запис за „Сао Томе и Принсипе“ (англиски)
• Сао Томе и Принсипе
• Сао Томе и Принсипе на Curlie (англиски)

Вести

• Вести од Сао Томе и Принсипе

Туризам

• Официјална туристичка страна на Сао Томе и Принсипе

Други

• Gulf of Guinea Conservation Group