Епир (област)

Оваа статија се однесува на грчката периферија Епир. За други значења видете Епир.

Epirus Περιφέρεια Ηπείρου
Главен град	Ioannina
Окрузи	Arta Ioannina Preveza Thesprotia
Население	358,698 (2005)
Површина	9,203 км²
Густина	39 жит/км² Податоци...
Портал	www.roe.gr

Епир (грчки: Ήπειρος) е периферија во северозападна Грција. Се граничи со Западна Македонија и Тесалија на исток, Централна Грција на југ, Јонското Море и Јонските Острови на запад, додека на север граничи со Албанија. Провинцијата зафаќа површина од 9.200 km². Другиот дел од Епир е во Република Албанија.

Територијално-административна поделба на Епир

Епир е поделен на четири подобласти, наречени „номи“' (грчки: νόμοι), кои пак, од своја страна се поделени на општини наречени „дими“'(грчки: δήμοι) . Четирите дими се Теспротија, Јанина, Превеза и Арта.

Демографија

Во грчкиот Епир живеат околу 350.000 луѓе. Најголем дел од населението се грци, но има и власи и албанци. И тие, како и македонците не се признати како малцинство, па затоа нивниот точен број не може да се утврди.

Географија и екологија

Релјефот во грчкиот дел од Епир е карпест и планински. На исток од Епир е планината Пинд. Поголем дел од Епир лежи на заветрената страна од планината Пинд, а тоа е причината што овој регион е еден од најдождливите во Грција. Климата на Епир е главно алпска. Вегетацијата се состои воглавно од грмушести растенија, додека фауната е претставена со мечки, волци, лисици, срни и рисови.

Економија

Од економски аспект, Епир е сиромашна област, со мала индустрија. Поради карпестиот терен, земјоделството е отежнато. Тутунот се одгледува околу Јанина, а развиен е риболовот. Сепак, поголемиот дел од храната се увезува од плодните региони на Грција.