Димитар Стојанов - Мире

Димитар Стојанов - Мире
Роден	Димитар Стојанов 1910 Прилеп, Македонија
Починал	4 септември 1991 Скопје, Република Македонија

Димитар (Димче) Стојанов - Мире (1910 - 1991) е македонски државник и учесник во народноослободителното движење. Дипломирал историја на Белградскиот универзитет. Пред Втората светска војна бил професор во Прилеп, Кратово и Ловеч (Бугарија).

За време на војната бил интерниран во логорот Чучулигово во Бугарија. По излегувањето од логорот се вклучил во Втората и во Петтата народноослободителна бригада. Бил народен претставник на Првото заседание на АСНОМ, член на Президиумот и повереник за просвета на Второто заседание на АСНОМ. По ослободувањето извршувал одговорни државни, политички и општествени функции, меѓу кои претседател на Народното собрание на НРМ од 4 јануари 1951 до 1953.

Бил директор на Архивот на Македонија од 1960 до 1978.

Видете исто така

• Социјалистичка Република Македонија