Тахитски јазици

Тахитски
Географска распространетост:	Полинезиски острови
Класификација:	австронезиски Малајско-полинезиски (МП) Јадрени МП Централно-источни MP Источни МП Океаниски Централно-источни Централни пацифички Источни фиџиско-полинезиски Полинезиски Јадрени полинезиски Источни полинезиски Централни источни тахитски
Гранки:	Австралски Маорски Пенрински Ракаханганско-манихикиски Раротонгански Тахитиски Туамотуански Мориорски (веројатно †)

Тахитските јазици се група на источни полинезиски јазици во рамките на централната источна гранка. (другите два члена на централната источна гранка се рапанскиот јазик, зборуван на островот Рапа Ити, и маркеските јазици).

Двата најважни јазика од оваа група по бројот на говорници се тахитискиот и новозеландскиот маорски јазик. Тахитскиот е главен јазик на Општествените Острови, а се користи и како лингва франка ширум сета Француска Полинезија, додека пак маорскиот се зборува од многубројното маорско малцинство во Нов Зеланд, каде ужива подеднаков статус на официјален јазик заедно со англискиот.

Еве ги другите јазици од оваа група:

Австралски (или тубуиански), зборуван на Австралските Острови

Мориорски, на Четемските Острови на Нов Зеланд

Пенрински (или тонгаревански), зборуван на Пенрин (Тонгарева) во рамките на северните Кукови Острови

Раротонгански, кој се зборува на јужните Кукови Острови

Ракаханганско-манихикиски, зборуван на Ракаханга и Манихики во рамките на северните Кукови Острови

Туамотуански, кој се зборува ширум архипелагот Туамоту во Француска Полинезија, со исклучок на Пука-Пука и Островите на Разочарувањето.

Надворешни врски

• Класификација на тахитските јазици на Етнолог (англиски)