Општина Чашка: Разлика помеѓу преработките

Од Википедија — слободната енциклопедија
[проверена преработка][проверена преработка]
Избришана содржина Додадена содржина
с →‎Географија: Јазично подобрување, replaced: атрактивни → привлечни
Rescuing 1 sources and tagging 0 as dead.) #IABot (v2.0.8
Ред 150: Ред 150:
* [http://www.caska.gov.mk/ Официјална страница]
* [http://www.caska.gov.mk/ Официјална страница]
* [http://www.2ecarta.com/caska/images/stories/dokumenti/strateski%20dokumenti/Profil%20na%20Opstina%20Caska.pdf „Профил на Општина Чашка“, 2008]
* [http://www.2ecarta.com/caska/images/stories/dokumenti/strateski%20dokumenti/Profil%20na%20Opstina%20Caska.pdf „Профил на Општина Чашка“, 2008]
*[https://www.abv.mk/details/opshtina-chashka Општина Чашка во „АБВ - деловен именик“]
*[https://www.abv.mk/details/opshtina-chashka Општина Чашка во „АБВ - деловен именик“] {{Семарх|url=https://web.archive.org/web/20190605094331/https://www.abv.mk/details/opshtina-chashka |date=2019-06-05 }}


{{Општини во Република Македонија}}
{{Општини во Република Македонија}}

Преработка од 07:45, 14 август 2021

Чашка


Знаме на Општина Чашка Грб на Општина Чашка
Знаме Грб
Општи податоци
Седиште Чашка
Површина 819,45 км2
Демографија
Население 7.673 жит.
- проценка од 31.12.2016 8.075 жит.
Густина 9,36 жит./км2
Населени места
Самоуправа
Градоначалник Горан Стојановски
Совет 11 члена
Контактни податоци
Седиште Илинденска б.б. 1413 Чашка
Телефон 043 241-400
Факс 043 241-343
Мреж. место Службен портал
Е-пошта е-пошта
Карта на Општина Чашка со селските атари.
Демографска карта на Општина Чашка со селските атари.

Општина Чашкаопштина во Вардарскиот Регион, во средишниот дел на Македонија. Градоначалник е Горан Стојановски. Административен центар на општината е истоименото село.

Општината била изменета со новата територијална поделба на Македонија по донесениот закон во 2004 година. Денешната општина ги вклучува двете поранешни општини Богомила и Извор, како и одредени делови од Општина Велес.

Општина Чашка се граничи со Општина Зелениково и Општина Студеничани на север, Општина Македонски Брод и Општина Долнени на запад, Општина Кавадарци и Општина Прилеп на југ и Општина Велес и Општина Градско на исток.

Географија

Општина Чашка се наоѓа во средишниот дел на Македонија. Зафаќа површина од 825 км2 и се вбројува во трите најголеми општини по територија во Македонија. Истата е рурална општина со добра географска положба. Општината располага со вкупна обработлива земјоделска површина од 476 км2 и 48,97 км2 под пасишта.

Соседни општина со кои се граничи општината се: од исток со Велес и Градско, од север со Зелениково и Студеничани, од запад со Македонски Брод и Долнени и од југ со Прилеп и Кавадарци. Според последните податоци од Заводот за статистика на територијата на општината живеат вкупно 7.673 жители во 42 населени места. Густината на населеност е 6 жители на км2.

Општина Чашка има добра географска положба. Ги поседува најубавите и привлечни предели на планините Јакупица, Даутица и Бабуна од запад, Клепа од исток, Караџица и Голешница од севоро-запад. На територијата на општината е и највисокиот врв на Јакупица, Солунска Глава (2.540 м). Целата таа атрактивност на пределот го дополнуваат и реките Бабуна и Тополка. По течението на овие реки се простира алувијална рамнина настаната како резултат на наносите на реките која е многу плодна. Покрај реките Бабуна и Тополка како природен ресурс е и новоизградената брана на хидросистемот „Лисиче“.

Климатските карактеристики на општината се доста различни. Високите планини преку целата година се покриени со снег додека во рамничарскиот дел во летниот период владее несносна висока температура. Климата е континентална со мало влијание на суб-медитеранска, која продира по долината на реката Тополка. Врнежите се мали претежно во есенските и зимски денови, а летата се топли и суви. Ветрови се јавуваат од сите правци, меѓутоа преовладуваат од северен и северозападен правец.

Демографија

Според пописот во 2002 година, Општина Чашка има 7.673 жители. Етнички групи во општината:[1][2]

Народ Вкупно Удел (%)
Македонци 4.370 57,28
Албанци 2.738 35,23
Турци 390 5,70
Роми 0 0,0
Власи 1 0,01
Срби 63 0,72
Бошњаци 67 0,87
останати 44 0,79
Вероисповед Вкупно
православни 4.145
муслимани 1.770
католици 2
протестанти 0
останати 15
Јазик Вкупно
македонски 4.838
албански 2.684
турски 10
ромски 0
влашки 0
српски 47
бошњачки 49
останати 45

Општествени установи

Општинската администрација во Општина Чашка е поделена на пет одделенија:

  1. Одделение за правни,општи работи, човешки ресурси и месна самоуправа;
  2. Одделение за финансии, буџет, општински имот и администрирање со даноци;
  3. Одделение за образование, култура, здравство, социјална заштитa, спорт и соработка со здружение на граѓани и фондации;
  4. Одделение за урбанизам, комунални дејности сообраќај и заштита на животната средина;
  5. Одделение за инспекциски надзор - инспекторат.

Самоуправа и политика

Градоначалник на општина Чашка е Горан Стојановски од редовите на СДСМ. Тој бил избран на локалните избори од 2017 година за мандат од четири години.[3] Советот на општина Чашка е составен од 11 члена. Според последните локални избори од 2017 година, членовите на советот според политичката припадност за мандатот 2017-2021 се:

  СДСМ: 4 места
  ВМРО-ДПМНЕ: 3 места
  ДУИ: 2 места
  АА / БЕСА: 2 места

Наводи

  1. Попис на населението, домаќинствата и становите во Република Македонија, 2002 - Книга X
  2. „Население во Република Македонија на 31.12 по специфични возрасни групи, по пол, по општини, по години“. Државен завод за статистика на Република Македонија. Посетено на 2 мај 2018.
  3. „Заклучок за конечност на резултатите од гласање во вториот изборен круг 29.10.2017 по одлуките на Управниот суд“. Државна изборна комисија на Македонија. Посетено на 3 декември 2017.

Надворешни врски