Шенка Колозова

Шенка Колозова
[[Податотека: Шенка Колозова на отварање на фестивалот „Денови на комедија“ |225px|]]
Роден	1 февруари 1947 Добрево, Пробиштипско Македонија
Националност	Македонка
Познат	по улогата во: Македонски народни приказни
Занимање	глумец
Сопружник	Ѓорѓи Колозов

Шенка Колозова (Добрево, Пробиштипско, 1 февруари 1947) — македонска глумица, најпозната по улогите во Македонските народни приказни.

Животопис

Колозова е ќерка на Стоица и Катерина Димитрови (подоцна, Станојкови). Родена е на 1 февруари 1947 во Добрево, Пробиштипско). Дипломирала на Катедрата за јужнословенска книжевност при Филозофскиот факултет во Скопје. Целиот работен век го поминала како професионална актерка во народните театри во Штип и Куманово, а подоцна и во Македонскиот народен театар од Скопје, каде се пензионирала. Во кариерата одиграла над 100 премиери во трите народни театри, и уште 16 премиери со приватниот театар „Колозов“. Таа има одиграно повеќе од 6 000 претстави во овие три театри, не вклучувајќи ги и гостувањата во Велешкиот театар и други театри во Македонија. Најзначајни театарски ролји на Колозова се во претставите „Свирачот на покрив“ , „За сите мои синови“, „Електра“ на Еврипид (во улогата на Клитемнестра), „Сè за градината“, „Печалбари“ и други. Покрај актерството, таа е автор на бројни сценарија и драматизации, меѓу кои и Цепенковите народни приказни.

Филмографија

• 2010-2012 Македонски народни приказни 3
• 2006 Македонски народни приказни
• 1993-2003 Македонски народни приказни 2
• 1986-1992 Македонски народни приказни
• 1991 Елелига пепелига
• 1991 Опстанок
• 1990 Трст виа Скопје
• 1989 Цвеќе на карпата
• 1989 Тврдокорни
• 1987 Чорбаџи Теодос
• 1987 Случки од животот
• 1984-1985 Легенди и преданија
• 1984 Белото циганче
• 1984 Јуначко колено
• 1982 Време на летала
• 1979 Наши години
• 1975 Простодушна љубов
• 1975 Волшебното самарче

Надворешни врски

• Шенка Колозова на Семрежната филмска база на податоци (англиски)