Помош:Разговорна страница

Оваа страница е напатствие на македонската Википедија. Општоприфатен стандард е уредувачите да ги следат правилата, но сепак треба да се користи здрав разум и да се прават повремени исклучоци. Ако ја уредувате оваа страница, Ве молиме прво уверете се дека за вашата промена постои консензус. Ако се двоумите, прво дискутирајте на страницата за разговор.

Страници за разговор се посебен тип на википедија статии, кои се користат за дискусија на промените што се прават во соодветните „главни“ статии. Сите Википедија статии, кориснички страници, предлошки итн имаат своја страница за разговор.

• Разговор за статии се користи за дискутирање на промените што се прават на конкретната статија.
• Разговор за кориснички страници се користи за оставање пораки на корисниците. Кога ќе напишете нешто на нечија страница за разговор, кога тој корисник ќе се логира на Википедија ќе му се покаже порака: Имате нови пораки на врвот на секоја Википедија страница, се дури не ја отворат својата страница за разговор.
• Википедија страници за разговор се користат за дискусија на постоечки и развивани начела (политики), насоки (водичи) и предлози.

Врската Разговор води кон страница во истиот именски простор како и статијата, корисничката страница, или шаблонот со дополнително „Разговор“ пред двете точки, пример: Разговор:Википедија, Разговор:Македонија итн.

Основни правила за сите страни за разговор

• Потпишувајте ги вашите коментари! - Можете да користите три или четири тилди (како ~~~ и ~~~~), кои автоматски се конвертираат во вашето корисничко име или IP адреса.
  • Логирајте се.
• Користете кохерентно форматирање.
  • Копирајте ги форматирањата од други корисници.
  • Не го индентирајте текстот.
  • Пишувајте средни до големи блокови текст (т.е. не параграфи со една реченица).
• Бидете цивилизирани постојано.
  • Не правете лични напади.
  • Не викајте

Употреба

Забелешка: Страниците за разговор треба да бидат почетно место за разрешување на разни проблеми.

На Википедија, целта на страниците за разговор е да помогнат во унапредувањето на главната статија, од енциклопедиска гледна точка. Во неа се поставуваат сите прашања, забелешки, некои појаснувања, аргументи за промена на некој текст и коментари за статијата.

Користете ги страниците за разговор за енциклопедиски цели, а не само за расправање и лични дискусии. Со други зборови, дискутирајте за статијата, а не за темата.

Форматирање

Бидејќи вики платформата нуди големи можности за користење на различни стилови, се препорачува употреба на конзистентно форматирање со цел полесно следење на дискусиите.

Длабочината на пораката се определува според бројот на две точки (':') пред пораката:

порака 1 --корисник 1 :одговор 1.1 --корисник 2 :одговор 1.2 --корисник 3 ::одговор 1.2.1 --корисник 1 порака 2 --корисник 4 :одговор 2.1 --корисник 5

Кориснички страни за разговор

Сите корисници имаат соодветна страница за разговор. Доколку имате нови коментари во вашата страница за разговор ќе ви се појави пораката „Имате нови пораки“ на врвот на секоја Википедија страница.

За да оставите порака на друг корисник во неговата страница за разговор, кликнете на Разговор кога ја гледате неговата корисничка страница. Во листата на Скорешни промени можете директно да влезете на нечија страница за разговор со кликнување на (Разговор) до името на корисникот.

Начин на однесување

Дали можам да правам што сакам на мојата страница за разговор?

Повеќете корисници ги третираат личните страници за разговор како обични и ги архивираат содржините повремено во лична подстраница.

Слободно уредете ја вашата лична страница според вашиот вкус, но имајте во предвид дека вашата страна за разговор служи пред се за комуникација на други корисници со вас. Некој може да се налути ако неможе да ја користи за таа намена.

Како да се одржува двонасочен разговор

Ако пишувате поврзани пораки на повеќе лични страници за разговор, добиениот текст ќе биде тежок за следење. Еве два система како да ги направите ваквите текстови почитливи:

• Копирајте го текстот на кој одговарате во страната за разговор на другиот корисник. Вашиот одговор оставете го веднаш под него и назабете го за да се познава.
• Или: Оставете порака на вашата страници за разговор дека ќе пратите одговор таму освен ако тие не побараат поинаку. Ова правете го во конверзации кои не сте ги започнале вие.
• Набљудувајте ја страницата за разговор на соговорникот и кажете му дека може да одговори таму. Ова правете го во конверзации кои ги почнувате вие.

Други забелешки

• Освен специјалните страници, сите именски простори имаат соодветен именски простор за разговор. Сите страни во именскиот простор за разговор имаат префикс Разговор: пред името на соодветната статија. Пример, страниците за разговор од главниот именскиот простор имаат префикс Разговор:, а за личните страници Разговор_со_корисник:.

• Спамирањето е крајно непрепорачливо.

Поврзано

• Помош:Архивирање на страница за разговор
• m:Help:Talk page (англиски)