Ердоан Максут

Ердоан Максут
Роден	1959 Скопје
Националност	Македонски Турчин
Познат	по улогата во: Македонски народни приказни Андер
Занимање	глумец
Татко	Џемаил Максут

Ердоан Максут (турски: Erdoan Maksut; роден во 1959 во Скопје) — македонски театарски и филмски глумец од турска народност.

Биографија

Ердоан Максут во 1985 година дипломирал на Факултетот за драмски уметности во Скопје, отсек театарско актерство во класата на проф. Владимир Милчин. Во периодот од 1999-2001 год. во првата класа ги завршил постдипломските студии по Театрологија и успешно ја одбранил магистерската теза „Трагедијата на репертоарот на Н.У. Турски театар - Скопје во првата половина на осмата декада од XX. век“, под менторство на проф. д- р Нада Петковска и се здобил со научна титула Магистер по Театролошки науки.

Член е на “Н.У. Турски театар“ од Скопје од 1978 год. до 2012 год. Надвор од матичната сцена има остварено улоги во “Театар за деца и млади“ од Скопје, културниот центар „Скрб и Утеха“, разни независни продукции, телевизии, радио драми, филмови и.т.н.

Максут исто така бил и асисетент по режија во повеќе од десет претстави на матичната сцена на Турскиот тетар, напишал сценарио и режирал мини ТВ серија од пет епизоди “Olaylar“ (Случки) снимена на турски јазик со македонски превод. Учествувал во Македонските народни приказни .

Од 2012год. е член на Н.У. Театар Комедија - Скопје, каде исто така остварува повеќе значајни улоги.

Ердоан Максут е син на Џемаил Максут и Сузан (Радмила) Максут кои исто така биле актери во Н.У. Турски театар од Скопје.

Театарски улоги

• „Дневникот на лудиот“ Н.В. Гогољ
• „Соблазна во долината Шентфолиријанска“ од Иван Цанкар
• „Приказна што зборува за патувањето“ од Жан Клод Ван Итали
• „Мостот на честа“ од Хасан Мерџан
• „Кафкаски круг со креда“ од Бертолд Брехт
• „Белото циганче“ од Видое Подгорец
• „Шеќерна приказна“ од Славко Јаневски

• „Аман да не чуе жена ми“ од Жорж Фејдо
• „Искрените“ од Мариво
• „Хурем Султан’’ од Орахан Асена
• „Предлог за брак“ и „Просидба“ од А. П. Чехов
• „Орхан од нашата улица“ од Неџати Зекерија
• „Дас Капитал“ од Братислав Димитровски
• „Мајка Елиф“
• „Ах љубов моја“ од Коле Ангеловски
• „За секого има по една“ од Венко Андоновски
• „Хамлет во пикантен сос“ од Алдо Николај
• „Бракот е брак“ од А. П. Чехов

Филмографија

Филмографија на глумецот Ердоан Максут
Год.	Назив	Улога
1980.-те
1982.	Јужна патека ТВ филм
1989.	Тврдокорни ТВ серија
1990.-те
1990.	Македонски народни приказни ТВ серија	/
1989-1991.	Еурека ТВ серија	/
1993.	Македонска сага ТВ филм
1998.	Денес, утре ТВ филм
2000.-те
2001.	Прашина ТВ филм	османлиски војник
2002.	Заведени ТВ серија	/
2004.	Чекор пред времето Краток филм
2004.	Андер ТВ филм
2007.	Сенки ТВ филм
2007.	Досие - К ТВ филм
2009-2010.	Македонски народни приказни ТВ серија
2010.-те
2017.	Ах, љубов моја ТВ филм
2018.	Црни и Криви Краток филм

Надворешни врски

• Ердоан Максут на Семрежната филмска база на податоци (англиски)