Виничка Кршла

Виничка Кршла
Виничка Кршла Местоположба на Виничка Кршла во Македонија Виничка Кршла на карта
Координати 41°53′53″N 22°33′37″E
Регион	Источен регион
Општина	Општина Виница
Пошт. бр.	2310
Повик. бр.	+38933
Шифра на КО	05003
Надм. вис.	472 м
Виничка Кршла на општинската карта Атарот на Виничка Кршла во рамките на општината
Виничка Кршла на Ризницата

Виничка Кршла е село во Општина Виница, во околината на градот Виница.

Географија и местоположба

Селото Виничка Кршла, се наоѓа на североисточната страна на градот Виница, селото е распрскано на поголема територија над реката Драгобраштица. Од централното градско подрачје е одалечено 5 км. Селото, односно Кршлата, по која го носи името започнува од источниот излез на градот.

Демографија

Според статистиката на Васил К'нчов („Македониja, Етнографиja и статистика“) од 1900 година, во Виничка Кршла живееле 100 жители, сите Македонци.

Според секретарот на бугарската егзархија Димитар Мишев, во 1905 година во Виничка Кршла имало 112 Македонци, егзархисти.

Според пописот во 2002 година во селото живеале 99 жители Македонци.

Родови

Виничка Кршла е македонско село.

Според истражувањата од 1959 година, родови во селото се:

• Доселеници: Јуруци (8 к.), Мечкарци (4 к.), Газарци (3 к.) и Ташовци (1 к.) првите три рода се најстари во селото, доселени се однекаде; Газарци (5 к.), Насевци (3 к.) и Анаќијовци (2 к.) доселени се од селото Драгобраште; Божанци (4 к.) доселени се од селото Илиово кај Делчево. Ја знаат следната генеологија Блажо (жив на 49 год. во 1959 година) Ефтим-Арсо, кој се доселил во селото; Туријчани (2 к.) доселени се од селото Турија кај Делчево; Трајановци (2 к.) и Чакалци (1 к.) доселени се од селото Грљани; Митрашинци (1 к.) доселени се од селото Митрашинци кај Берово; Катанци (3 к.) доселени се од селото Дулица кај Македонска Каменица.

Културни и природни знаменитости

Во селото има повеќе археолошки локалитети од Римскиот период који се под надлежност на Виничкиот музеј. Меѓу најзначајните се локлитетите:

Археолошки локалитети

• Барбашки Дол - некропола и тумули од железното време.
• Вршник - могила од римското време.
• Градиште I - некропола и тумули од железното време.
• Градиште II - утврдена населба од железното време и доцноантичкото време.
• Ѓафурски Лозја - населба од римското време.
• Кршлански Гумења - некропола од железното време.
• Могила - населба и могила од римското време.
• Русалски Гробишта - некропола од железното време.
• Сушица - населба и некропола од римското време.
• Коколов Рид - населба од раното и доцното бронзено време и железно време;

Култура и спорт

Во селото постои основно училиште.