Општина Кратово

Карта на Општина Кратово со селските атари.

Демографска карта на Општина Кратово со селските атари.

Кратово — општина во северниот дел на североисточна Македонија со административен центар во грдот Кратово. Лежи на изгаснати вулкански купи (кратери) од каде е и добиено името. Во општината се наоѓа и праисториската вселенска опсерваторија Кокино (од неолитот) и неколку антички рудници за злато од Римскиот период. Градоначалник на општината е Љупчо Бојаџиев.

Историja

Кратово историски е значајно рударско место, низ кое поминале голем број на освојувачки војски.

Демографија

Седиште на општината е градот Кратово.

Во општината живеат 10 441 жители од кои :

10 231 (97,99%) се Македонци

151 (1,45%) се Роми

33 (0,32%) се Срби

8 (0,08%) се Турци

1 (0,01%) се Власи

17 (0,16%) се други националности.

Во општината не живеат Албанци и Бошњаци.

Општина Кратово зазема подрачје од 375,44 км² и има густина на населеност од 27,81 жит./км².

Во состав на општината влегуваат и 30 села: Близанци, Вакуф, Горно Кратово, Димонце, Емирица, Железница, Живалево, Каврак, Кетеново, Кнежево, Којково, Коњух, Крилатица, Куклица, Куново, Луково, Мушково, Нежилово, Пендак, Приковци, Секулица, Страцин, Талашманце, Татомир, Тополовиќ, Трновац, Туралево, Филиповци, Шлегово и Шопско Рударе.

Администрација и политика

Градоначалник на општина Кратово е Љупчо Бојаџиев од редовите на СДСМ. Тој бил избран на локалните избори од 2017 година за мандат од четири години. Бојаџиев станал првиот градоначалник на Кратово од 1991 година кој не бил кандидат на СПМ. Советот на општина Кратово е составен од 15 члена. Според последните локални избори од 2017 година, членовите на советот според политичката припадност за мандатот 2017-2021 се:

  СДСМ: 9 места

  ВМРО-ДПМНЕ: 6 места

Надворешни врски

• Портал на Општина Кратово
• Општина Кратово во „АБВ - деловен именик“