Едмонд Адеми

Едмонд Адеми (29 јуни 1975) — македонски политичар од албанска националност и член на СДСМ. Адеми работел како советник на министерот за внатрешни работи Оливер Спасовски во техничката влада на Емил Димитриев од 2016 година, а во 2017 бил назначен на функцијата министер без ресор во владата на Зоран Заев. Пред тоа во периодот 2011–2015 работел како извршен директор во институтот за економски истражувања „Либерта“, а извесен период бил асистент на американските амбасадори во Македонија Џилијан Миловановиќ и Филип Рикер. Тој дипломирал социологија на универзитетот „Св. Кирил и Методиј“.