Радмила Шекеринска

Радмила Шекеринска
Министер за одбрана на Македонија
На должноста 1 јуни 2017 – во служба
Претседател	Ѓорге Иванов
Премиер	Зоран Заев
Претходник	Зоран Јолевски
Премиер на Република Македонија вршител на должност
На должноста 18 ноември 2004 – 17 декември 2004
Претседател	Бранко Црвенковски
Претходник	Хари Костов
Наследник	Владо Бучковски
На должноста 12 мај 2004 – 2 јуни 2004
Претседател	Бранко Црвенковски
Претходник	Бранко Црвенковски
Наследник	Хари Костов
Вицепремиер за евроинтеграции
На должноста 1 ноември 2002 – 27 август 2006
Премиер	Бранко Црвенковски Хари Костов Владо Бучковски
Наследник	Габриела Конеска Трајковска
Лични податоци
Роден(а)	10 јуни 1972(1972-06-10) Скопје, СР Македонија
Партија	СДСМ

Радмила Шекеринска Јанковска (10 јуни 1972 во Скопје) — македонски политичар и актуелен заменик претседател на СДСМ.

Биографија

Радмила Шеќеринска магистрира на престижната школа за дипломатија и право „Флечер“ во САД во 2007 година. Шекеринска има дипломирано на електротехничкиот факултет во Скопје во 1995. Во текот на 1996 година работи како асистент за односи со јавност во Институтот Отворено општество Македонија. Од 1997 до 2002 работи како асистент на Електротехничкиот факултет.

Зборува англиски и француски јазик и исто така е автор на повеќе научни и стручни трудови од својата област. Добитник е на наградата “Глобални Лидери на Утрешнината“ што ја доделува светскиот економски форум.

Политички функции

Од 1993 година Шеќеринска е избрана за член на ЦО на СДСМ во неколку мандати. Од 1995 е член на претседателството на ЦО на СДСМ, а во 1999 година е избрана за потпретседател на ЦО на СДСМ и за меѓународен секретар на партијата. Во периодот 1995 - 1999 година, ја врши функцијата претседател на СДММ, а во 1997 - 1998 година е и портпарол на СДСМ. Подоцна е избрана за потпретседател на Партијата, а на 5 ноември 2006 година е избрана и за претседател на Партијата.

Од 1996 до 1998 година Шеќеринска е член на Советот на Град Скопје. Во 1998 е избрана за пратеник во Собранието на Република Македонија. Во овој период ги врши функциите: заменик-координатор на Пратеничката група на СДСМ, член на комисијата за надворешна политика, член на комисијата за образование и наука, член на комисијата за животна средина, млади и спорт, член на делегацијата во Интерпарламентарната унија (УПИ) и член на пратеничката група за соработка со Европскиот парламент.

Во 2002 година повторно е избрана за пратеник во Собранието на Република Македонија, а од 1 ноември 2002 до 2006 година е заменик-претседател на Владата на Република Македонија, задолжена за Европска интеграција и Координација на странската помош.

Надворешни врски

Политички функции
Претходник Зоран Јолевски	Министер за одбрана на Македонија 2017–во служба	Наследник —
Претходник —	Вицепремиер за евроинтеграции 2002–2006	Наследник Габриела Конеска Трајковска
Партиски функции
Претходник Владо Бучковски	Претседател на СДСМ 2006–2008	Наследник Зоран Заев