Претседател на Собранието на Македонија

Претседател на Собранието на Република Македонија — главен раководител на Собранието на Република Македонија. Претседателот се избира од редот на пратениците со мнозинство гласови од вкупниот број пратеници (61 пратеник). Мандатот на претседателот трае четири години.

Претседателот на Собранието го претставува Собранието, ги свикува седниците на Собранието и раководи со нив, се грижи за примена на Деловникот на Собранието, ги потпишува указите за прогласување на законите и врши други работи утврдени со Уставот на Република Македонија и со Деловникот на Собранието.

Моментален претседател на Собранието на Република Македонија е Талат Џафери од ДУИ.

Потпретседатели

Потпретседателите на Собранието му помагаат на претседателот на Собранието во вршењето на неговата функција и го заменуваат во случај на одсутност или спреченост. Потпретседателите на Собранието се избираат од редот на пратениците и нивниот мандат трае четири години.

Моментални потпретседатели на Собранието се Светлана Јакимовска (ВМРО ДПМНЕ), Рафис Алити (ДУИ) и Јани Макрадули (СДСМ).

Досегашни претседатели на Собранието на Република Македонија

Од осамостојувањето

• Стојан Андов (1991–1996)
• Тито Петковски (1996–1998)
• Саво Климовски (1998–2000)
• Стојан Андов (2000–2002)
• Никола Поповски (2002–2003)
• Љупчо Јордановски (2003–2006)
• Љубиша Георгиевски (2006–2008)
• Трајко Вељаноски (2008–2016)
• Талат Џафери (2017–сѐ уште)

Пред осамостојувањето

• Вулнет Старова (1986–1991)
• Станко Младеновски (1985–1986)
• Ката Лахтова (1984–1985)
• Бошко Станковски (1982–1983, 1983–1984)
• Благоја Талески (1974–1978, 1978–1982)
• Никола Минчев (1968–1974)
• Мито Хаџивасилев - Јасмин (1967–1968)
• Видое Смилевски - Бато (1963–1967)
• Љупчо Арсов (1962–1963)
• Лазар Колишевски (1953–1958, 1958–1962)
• Димче Стојанов - Мире (1951–1953)
• Димитар Несторов (1947–1951)
• Борис Спиров (1946–1947)
• Методија Андонов - Ченто (2 август 1944), Претседател на Президиумот на АСНОМ

Извори

• Собрание на Република Македонија