Универзитет „Св. Климент Охридски“ – Битола

УКЛО-Профил

Универзитет „Св. Климент Охридски“

Вид	државен
Основан	25 април 1979
Ректор	проф. д-р Сашо Коруновски
Студенти	13.000
Место	Битола, Република Македонија
Мреж. место	uklo.edu.mk

Универзитет „Свети Климент Охридски“ — високошколска установа во Битола, вториот универзитет во современа Македонија, основан на 25 април 1979 г.

Со основањето на универзитетот била остварена историската цел за обединување на постојните високообразовни и научно-истражувачки установи од југозападниот регион на Македонија, односно Битола, Прилеп и Охрид, како придонес за порамномерен развој на Македонија.

На 8 декември 1994, на денот на Св. Климент Охридски, универзитетот го добил своето денешно име. Универзитетот ја прославил својата 35-годишнина на 25 април 2009.

Повеќе од триесетипет годишниот континуиран развој на УКЛО опишан на страниците за неговиот историјат претставува постојана потрага по сопствениот специфичен идентитет којшто се афирмира низ синтагмата: ОТВОРЕН, ФЛЕКСИБИЛЕН, ИНТЕГРИРАН ВО ОПКРУЖУВАЊЕТО, АКТИВЕН ПАРТНЕР ВО ОПШТЕСТВЕНО ЕКОНОМСКИТЕ ПРОЦЕСИ, ПОДГОТВЕН ДА СЕ СООЧИ СО НОВИТЕ ПРЕДИЗВИЦИ ВО ОБРАЗОВАНИЕТО И НАУКАТА ВО ЕДНА МЕЃУНАРОДНА ПЕРСПЕКТИВА. Интернационалниот карактер на УКЛО се огледа во бројните членства во меѓународни образовни асоцијации и програми меѓу коишто најважно е учеството во EUA и BUA. Универзитетот „Св.Климент Охридски“- Битола е носител на Erasmus+ Charter. 

Научни полиња и области

Природни науки

-         Компјутерски и информатички науки

Техничко – технолошки науки

-         Транспортно инженерство

-         Електроенергетика, електроника, електротехника

-         Електроенергетски и комуникациски системи

-         Применето инженерство (заштита на животната и работната средина)

-         Машинство

-         Мехатроника

-         Графичко инженерство

Медицински науки и здравство

-         Сестринство

-         Нутриционизам (гастрономија)

-         Диететика

-         Здравствена грижа (акушерство, физиотерапија, радиологија, медицинска лабораторија)

-         Форензички науки

Биотехнички науки

-         Прехранбена технологија и биотехнологија

-         Преработка на анимални производи

-         Агрономија, растително производство и заштита на растенија

-         Ветерина

Општествени науки

-         Економски науки (финансии, менаџмент, банкарство, сметководтсво, ревизија, маркетинг, осигурување)

-         Образование

-         Правни науки

-         Туризам и угостителство

-         Безбедност

-         Политички науки

-         Организациски науки и управување

Хуманистички науки

-         Наука за јазикот

Наука за книжевност 

Образовни установи

Ректоратот на универзитетот.

Денес универзитетот вклучува 12 високообразовни институции (10 факултети, 1 висока школа, 1 научен институт) и 4 придружни членки:

Зградата на техничкиот факултет во Битола.

• Технички факултет
• Економски факултет
• Факултет за туризам и угостителство
• Педагошки факултет
• Факултет за биотехнички науки
• Факултет за администрација и менаџмент на информациски системи
• Висока медицинска школа
• Факултет за безбедност
• Правен факултет
• Технолошко-технички факултет
• Ветеринарен факултет
• Факултет за информатички и комуникациски технологии
• Научен институт за тутун
• Хидробиолошки завод
• Институт за старословенска култура

Придружни членки

• НУУБ „Св. Климент Охридски“
• Студентски дом „Кочо Рацин“
• Хидробиолошки завод - Охрид
• Институт за старословенска култура - Прилеп

Меѓународно научно списание - Хоризонти

Хоризонти е меѓународно научно списание на Универзитетот „Св.Климент Охридски“ – Битола, коешто се објавува во две серии според посебни групи научни подрачја: Серија А од подрачјето на општествените и хуманистичките науки и Серија Б од подрачјето на природно-математичките, техничко-технолошките, биотехничките и медицинските науки.

Научното списание Хоризонти е класифицирано во базата EBSCO.

Хоризонти е современо научно списание во кое се почитуваат принципите на научна непристрасност и издавачка принципиелност што се поттик, посебно за младите научници и истражувачи. 

Студии и наставници

Универзитетот реализира наставно-образовен процес од 50 додипломски студиски програми, 49 студиски програми за последипломски студии и 10 студиски програми за докторски студии. На високообразовните установи на универзитетот студираат повеќе од 13.000 студенти, а наставнообразовниот процес го реализираат 219 наставнички, 93 соработнички и 215 административно-технички кадар. Дејноста на научно-истражувачката дејност ја остваруваат 54 научни работници.

Надворешни врски

• Официјално веб-место на Универзитетот „Св. Климент Охридски“
• Веб-место на матичната и универзитетска библиотека „Св. Климент Охридски.“
• Општина Битола - Прославена 35-годишнината на УКЛО