Девствени Острови

Девствени Острови
Американски Девствени Острови	Британски Девствени Острови

Девствените Острови (англиски: Virgin Islands) е архипелаг во Карипско Море. Островите се поделени во две зони. Британски Девствени Острови на исток и север, кои се сопственост на Велика Британија. Американски Девствени Острови, на запад и југ, се сопственост на САД. Кристифор Колумбо ги нарече островите Света Урсула и единаесет илјади девици по легендата за Света Урсула. Тука живееја Карип Индијанците, кои се истребени од страна на Шпанија која ги освои островите во 1555. Данска и Англија презедоа власт над островите во 17 век.

Подоцна, на островите беа доведени црни робови од Африка за работа на плантажите. Денес, нивните потомци се мнозинство на островите. Данска својот дел на островите го продаде на САД во 1917 година. Најголеми острови во американскиот дел се: Сент Томас, Сент Крој и Сент Џон, додека пак во британскиот дел се: Тортола, Вирџин Горда, Анегада и Јост ван Дајк. Островите се релативно мали со население од околу 110.000. Главна стопанска гранка е туризмот.

Поголеми острови

Место	Остров	Површина	Популација (2010)	Администрација
1	Сент Кро	214 км²	50,601	САД
2	Вијекес	135 км²	9,301	САД
3	Сент Томас	80.91 км²	51,634	САД
4	Тортола	55.7 км²	23,908	Британски Девствени Острови
5	Сент Џон	51 км²	4,170	САД
6	Анегада	38 км²	200	Британски Девствени Острови
7	Кулебра	30.1 км²	1,818	САД
8	Вирџин Горда	21 км²	3,000	Британски Девствени Острови
9	Јост Ван Дајк	8 км²	297	Британски Девствени Острови

Поврзано

• Британски Девствени Острови
• Американски Девствени Острови
• Шпански Девствени Острови
• Холандски Девствени Острови