ФК Лестер Сити

Лестер Сити

Целосно име	Лестер Сити Фудбал Клуб
Прекари	Лисиците или Сините
Основан	1884 како Лестер Фос
Стадион	Кинг Пауер Стадион (Капацитет: 36.262)
Сопственик	Кинг Пауер Интернешнл
Претседател	Вичаи Раксриаксорн
Менаџер	Најџел Пирсон
Лига	Чемпионшип лига
2011–12	Чемпионшип лига, 9-ти
Мреж. место	Службено мрежно место
Домашни бои Гостински бои Резервни бои

Лестер Сити Фудбалски Клуб или ФК Лестер Сити е англиски професионален фудбалски клуб кој ги игра својте натпревари на Кинг Пауер Стадион (претходно наречен Волкерс стадион) во градот Лестер. Клубот истотака е познат и под прекарот лисиците, кој доаѓа од амблемот на тимот. Тие во моментов се натпреваруваат во Чемпионшип лигата, откако изборија промоција како шампиони во Лига Еден во сезоната 2008-09.

Клубот бил основан во 1884 година како 'Лестер Фос' и се натпреварувал на терен во близина Fosse Road патот. Тие подоцна се преселиле на Филберт Стрит во 1891 година и одиграле таму 111 години по ред, пред да го релоцираат бизнисот во близина на Волкерс стадионот во 2002 година.

Лестер се приклучил на Фудбалската Лига во Англија во 1894 година. Највисокиот ранкинг на клубот во историјата му било завршувањето на второто место во елитата, во тогашната Прва Дивизија во сезоната 1928-1929 во англискиот фудбал. Клубот има освоено шест наслови во Втора дивизија (пред името на оваа лига да стане Чемпионшип фудбал лига) и една титула во Лига Еден. Тие го имаат освоено Лига купот на трипати (клуб со најмногу титули меѓу тимовите кој пак никогаш не триумфирале во ФА Купот), и биле финалисти на ФА Купот дури четири пати, но никогаш не ја освоиле титулата. Нивните четири порази во финалињата претставуваат рекорд на турнирот рекорд за најголем број порази во финалето без да се има освоено натпреварувањето. Клубот има поминато само една сезона надвор од првите две нивоа на англискиот фудбал.

Домашните бои на клубот се темно сини со бели шорцеви, додека кога настапуваат на гостински терен против тимови кој истотака играат во сина опрема, Лестер најчесто настапува во главниот резервен дрес кој е црн со жолто од страните како и натписите на спонзорите и имаат црни шорцеви.

Ривалства

Навивачите на Лестер го сметаат тимот на Нотингам Форест за нивен примарен ривал што се должи на историските социо-економски ривалства меѓу градовите Лестер и Нотингам, од каде што доаѓаат двата клуба. Втори ривали на клубот се Дерби Каунти со кои тие играат натпревар во таканреченото дерби на Источен Мидландс.

И покрај тоа што се со седиште во Западен Мидландс, друг ривал на Лестер во последниве неколку години е Ковентри Сити, кои се базирани на само 24 милји оддалеченост. Натпреварите меѓу двата клуба, станаа познати како M69 дерби, дебивајќи ги името по Автопатот кој ги поврзува двата града.

Моментален тим

Бр. Позиција Играч 1 ГМ Каспер Шмајхел 2 ОД Ричи Де Лает 3 ОД Пол Кончески 4 СР Дани Дринквотер 5 ОД Вес Морган (капитен) 6 ОД Матју Апсон 7 СР Дин Хамонд 8 СР Мати Џејмс 9 НП Џејми Варди 10 СР Енди Кинг 11 СР Марк Олбрајтон 12 ГМ Бен Хамер

Бр. Позиција Играч 15 НП Џефри Шлуп 17 ОД Дани Симпсон 18 ОД Лиам Мур 19 СР Естебан Камбијасо 20 НП Том Хупер 22 НП Гери Тејлор-Флечер 23 НП Леонардо Улоа 24 СР Ентони Нокер 26 СР Ријад Марез 27 ОД Марсин Василевски 35 НП Дејвид Нуџент 39 НП Крис Вуд

Титули

Прва Дивизија на Англија (денешна Премиер лига)

• вицешампиони (1)  : 1928–29

Втора Дивизија на Англија

• шампиони (6): 1924–25, 1936–37, 1953–54, 1956–57, 1970–71, 1979–80
• вицешампиони (2): 1907–08, 2002–03

ФА Куп

• вицешампиони (4): 1949, 1961, 1963, 1969

Лига куп

• шампиони (3) : 1964, 1997, 2000
• вицешампиони (2) : 1965, 1999

Черити Шилд

• шампиони (3) : 1971

Надворешни врски

• Leicester City Official website
• BBC Leicester – In pictures: 125 years of Leicester City
• Leicester City Fans Forum