Универзитет „Св. Кирил и Методиј“

Универзитет „Св. Кирил и Методиј“

Вид	Државен
Основан	24 април 1949
Ректор	проф. д-р Велимир Стојковски
Студенти	36.700
Место	Скопје, Република Македонија
Припадност	Мрежа на универзитети на ЈИЕ
Мреж. место	www.ukim.edu.mk

Универзитетот „Св. Кирил и Методиј“ е најстар и најголем македонски универзитет со седиште во Скопје. Формиран е на 24 април 1949 година со три факултети, а денес претставува заедница на 23 факултети, 9 научни институти (5 составни и 4 кои соработуваат со универзитетот) и 6 други институции. За прв ректор е избран Кирил Миљовски, а сегашен ректор е Велимир Стојковски.

Состав на Универзитетот

Универзитетот е составен од 23 факултети, 5 составни институти и 4 јавни научни установи, како и 6 други организации кои соработуваат со универзитетот.

Факултети

Денес во универзитетот постојат 23 факултети од сферата на природните, медицинските, техничките, општествените и биотехничките науки како и уметноста.

Природни науки

• Природно-математички факултет

Медицински науки

• Медицински факултет
• Стоматолошки факултет
• Фармацевтски факултет
• Факултет за физичка култура

Технички науки

• Факултет за информатички науки и компјутерско инженерство
• Архитектонски факултет
• Градежен факултет
• Машински факултет
• Факултет за електротехника и информациски технологии
• Технолошко-металуршки факултет

Општествени науки

Комплексот на Филозофскиот, Филолошкиот и Правниот факултет.

• Филозофски факултет
• Филолошки факултет „Блаже Конески“
• Економски факултет
• Правен факултет „Јустинијан I“
• Педагошки факултет „Св. Климент Охридски“

Биотехнички науки

• Факултет за земјоделски науки и храна
• Шумарски факултет
• Факултет за ветеринарна медицина

Уметности

• Факултет за музичка уметност
• Факултет за драмски уметности
• Факултет за ликовни уметности

Составни институти

• Економски институт
• Институт за земјотресно инженерство и инженерска сеизмологија
• Институт за социолошки и политичко-правни истражувања
• Земјоделски институт
• Институт за сточарство

Придружни членки

Јавни научни установи

• Институт за македонска литература
• Институт за македонски јазик „Крсте Мисирков“
• Институт за национална историја
• Институт за фоклор „Марко Цепенков“

Други високообразовни институции

• Православен богословски факултет „Св. Климент Охридски“

Други организации

• Академско културно-уметничко друштво „Мирче Ацев“
• Државен студентски дом „Пелагонија“
• Државен студентски дом „Томе Стефановски - Сениќ“
• Државен студентски центар „Скопје“
• Завод за испитување на материјали и развој на нови технологии „Скопје“
• Ј.З.О. Јавна здравствена станица

Универзитетска библиотека

Универзитеската библиотека НУБ „Св. Климент Охридски“

Главна статија: Национална и универзитетска библиотека „Св. Климент Охридски“

Академска библиотека на „Св. Кирил и Методиј“ е НУБ „Св. Климент Охридски“, која е воедно и национална библиотека на Македонија. Отворена е во 1920 како библиотека на Филозофскиот факултет, а подоцна станала јавна Народна библиотека и библиотека на универзитетот во сегашната зграда.

Дипломци

• Борис Трајковски - Втор Претседател на Република Македонија
• Бранко Црвенковски - Трет Претседател на Република Македонија
• Зоран Јолевски - Македонски амбасадор во САД

Надворешни врски

• Официјална страница на Универзитетот „Св. Кирил и Методиј“